KRY SPEEL-SPEEL SKOON KRAANWATER
Tot onlangs het die Get Aheadprojek in Queenstown en die Laerskool Amaqwathi in Tsolwana in die Oos-Kaap geen toegang tot lopende water gehad nie.
Maar danksy ’n vernuftige ontwerp deur ’n landbou-ingenieur en ’n vennootskap met die supermarkgroep Shoprite is dié laerskool onder talle landelike gemeenskappe wat nou toegang tot skoon drinkwater het.
Sowat 900 PlayPumps, ’n landbou-ingenieursproduk van Roundabout Outdoor, ’n organisasie sonder winsbejag, is al oor Suid-Afrika heen opgerig, sê mnr. Colin Morris, ’n direkteur.
Dit is in wese ’n rondomtalie wat water in ’n tenk pomp namate kinders daarop speel. Só word skoon, drinkbare water deurlopend verskaf sonder dat die kinders kosbare leer- en speeltyd hoef af te staan om water te gaan haal en aan tedra.
Shoprite het tot die vennootskap toegetree omdat hy homself beskou as ’n winkelgroep wat daaraan toegewy is om plaaslike gemeenskappe te ontwikkel. Die 36 PlayPumps waarvoor Shoprite al betaal het, verskaf lopende water aan duisende mense in afgeleë, landelike gebiede.
Colin sê hulle vervang nie werkende water-infrastruk- tuur nie. “Die PlayPump word op boorgate geïnstalleer wat voorheen nie met pompe toegerus was nie of boorgate met stukkende toerusting,” sê hy.
Oorwegings wat geld om te bepaal of ’n terrein geskik is vir ’nPlayPump,is: ’n betroubare bron van skoon water; laerskole of gemeenskappe met genoeg kinders om op die PlayPump te speel; kinders van 6 jaar tot 14 jaar oud; boorgate met water wat geskik is vir menslike gebruik; watervlakke wat nie meer as 60 meter ondergronds is nie; en ’n kinder-veilige terrein. Die PlayPump word hoofsaaklik in arm, landelike gemeenskappe geïnstalleer.
Installering en instandhouding word deur plaaslike en internasionale skenkers geborg, sê Colin. Die inkomste uit advertensies help ook vir die instandhouding betaal.
Elke terrein het toegang tot ’n gratis SMS-nommer wat hulle kan gebruik om probleme aan temeld.
011 543 7928; 082 704 0370 sandra. hayes@playpumps.co.za; www.playpumps.co.za