Beproefde veiligheidstelsel beste in SA
In ’n reeks van tien artikels oor plaasveiligheid wat van Mei tot Augustus in die tydskrif verskyn het, is berig oor Wakkerstroom se eiesoortige beveiligingstelsel wat as die mees geslaagde in Suid-Afrika bestempel word.
Eintlik is die gebied ’n resep vir ’n misdaadparadys, maar die leierboer mnr. BP Greyling sê danksy ’n reaksiemag, met vrywilligers oor kleur-, geloofs- en kultuurgrense heen, en samewerking tussen die polisie, reserviste, plaaswagte en staatsaanklaers, is die lys suksesvolle vervolgings en ’n veilige omgewing ’n bewys dat samewerking al oplossing is.
“Dit is onmoontlik om ’n volhoubare, veilige gemeenskap te vestig as jou stelsel nie almal dien en verteenwoordig nie. Ons probeer om by alle veiligheidstrukture in te skakel en op die hoogte van probleme in die gebied te bly sodat ons hulp kan aanbied waar dit nodig is.”
Hy meen daar is nie ’n plaasvervanger vir ervaring nie. “Ons lede het 30 jaar se ervaring en het ’n onwrikbare vertrouensverhouding opgebou. ’n Toegewyde mens met ’n fyn waarnemingsvermoë saam met die nodige kennis, ervaring en drang om te oorleef, bly die wenresep. Ons lede is 365 dae van die jaar op patrollie . . .”
In ’n stadium het die gebiedsbeveiligingsmag méér onwettige vuurwapens wat in geweldsmisdade en moorde gebruik is, teruggevind as wat die amptelike vuurwapenopsporingseenheid in die gebied teruggevind het, skryf In nog ’n artikel in die reeks skryf
vuurwapens bied net ware gemoedsrus as jy ’n situasie vinnig kan opsom, jou vuurwapen sonder aarseling kan gebruik en dit in moeilike omstandighede veilig en met vernuf kan hanteer. Die regte opleiding vir die hantering van vuurwapens, soos die besef om net as dit allernoodsaaklik is ’n waarskuwingskoot af te vuur, is deurslaggewend. Jy moet onder druk instinktief én akkuraat kan skiet.
Jy mag net dodelike geweld gebruik as daar ’n onwettige aanval op jou persoon is of ’n derde party is wat jy probeer beskerm. Die aanval moet ook op ’n persoon gerig wees en nie eiendom nie. Die aanval moes reeds begin het, of op die punt wees om te gebeur. Jy sal moet bepaal of die aanvaller die
en het om jou ernstige liggaamlike skade aan te rig. Is daar ’n wapen sigbaar? Iemand wat jou van agter ’n veiligheidshek met ’n mes dreig, het byvoorbeeld nie die geleentheid om jou aan te rand nie, maar wél iemand met ’n vuurwapen in sy besit.