Haarfyn waterbestuur lei tot besparings
’n Geïntegreerde benadering tot besproeiing op die Dutoit-groep se plaas Meulrivier in die Langkloof het die afgelope seisoen gehelp dat 400 m³ minder water per hektaar per jaar op die warmer dele en 1 300 m³ minder water op die koeler dele gebruik is. En dít sonder om vrugte-oeste te benadeel.
Die Dutoit-groep laat elke druppel tel en gebruik ’n rekenaarbesproeiingstelsel, vogmeters en die raad van ’n grondkundige én hortoloog.
Een van hul plaasbestuurders op Meulrivier, mnr. Gert Joubert, sê dié seisoen was noukeurige waterbestuur ’n voorrangsaak.
Besproeiingskedulering is buigsamer en meer doelgerig sedert die plaas se Agrico-besproeiingstelsel in sy geheel gerekenariseer is met ’n Gulf-stelsel. “In die verlede het ons krane met die hand oop- en toegedraai. Nou het ons ’n rekenaar wat dit doen én ek kan die rekenaar van ’n sentrale punt af beheer.”
Gert sê hulle kan nou ook makliker in die nag besproei.
Vogmetertegnologie van DFM Technologies help Gert verder om makliker besproeiingsbesluite te neem en water te bespaar. Waterbesparing met behulp van druppertegnologie en tegnologie wat skedulering verbeter, het veral die afgelope droë seisoen gehelp dat hulle nie opbrengs inboet nie.
Gert beskou DFM-vogmeters en skeduleringsagteware as onontbeerlike tegnologie. “Hiermee weet ek te alle tye presies wat die grondvogstatus is. Dit maak nie saak waar ek my bevind nie, ek kan met my selfoon op Probe schedule aanteken en presies sien wat in elke boord aangaan. Dit stel my in staat om vinnig regstellings te maak indien ’n spesifieke boord droog is.”
Gert werk nou saam met me. Angelique Zeelie, ’n grondkundige en hortoloog
van Akasha Irrigation Management op Somerset-Wes. “Sonder haar bydraes sou ons nie die seisoen kon deurgaan met minder water en nog ’n goeie opbrengs kry nie.” Voerkorrels in die ry! Op ’n spesiale besoek aan Krone en Kuhn se fabrieke in Duitsland en Frankryk kon Charl van Rooyen, assistentredakteur van Landbouweekblad, ’n voorsmakie kry van hoe die werktuie van die toekoms daar uitsien. Die uitskieter was die Krone Premos 5000, die eerste in sy soort ter wêreld, wat hooi of strooi regstreeks van die land af optel en in die ry op die land voerkorrels maak. “Dit was soos ’n tsoenami soos die boere oor die eerste konsepmodel