Landbou se bestes vereer
Ondanks opofferings, terugslae en struikelblokke het die landboubedryf vanjaar uitsonderlike prestasies opgelewer. gee op dié fokusblaaie erkenning aan van dié wenners.
Van die beste boere en landboukundiges in Suid-Afrika is verlede maand deur lede van Landbouskrywers SA op ’n prysuitdeling in Bloemfontein vereer. Dié organisasie se Noord-, Sentraal- en Wes-Kaap-streek het hul wenners op 20 Oktober aangekondig. Die nasionale wenners is op 10 November in Bloemfontein aangekondig.
BOER VAN DIE JAAR
Mnr. Charles Back, eienaar van die landgoed Fairview buite die Paarl, is Landbouskrywers SA se Boer van die Jaar vir 2017. Hy het Fairview van ’n familieplaas ontwikkel in ’n internasionaal bekende landgoed wat wyn en kaas van wêreldgehalte lewer.
Hy word allerweë as ’n pionier in Suid-Afrika se wynbedryf beskou. Onder sy leiding was die Fairview-span die eerste wat wynkultivars, soos Viognier, Tempranillo, Tannat, Sangiovese en Petite Sirah, ingevoer het. Hy het ook die eerste bokmelkfabriek in Suid-Afrika opgerig. Dit word deesdae as ’n koolstofneutrale instelling bedryf.
NUWE TOETREDER
Mnr. Warren Bam van Tulbagh verbou organiese uitvoertafeldruiwe en is aangewys as die Nuwe Toetreder van die Jaar tot die Kommersiële Landbou.
Warren, ’n boorling van Saron, het 13 jaar gelede saam met mnr. Breda van Niekerk begin boer. Sy pa, Herman, het 32 jaar lank vir Van Niekerk se pa, Dr. Annemie Erasmus van die Landbounavorsingsraad se Instituut vir Graangewasse op Potchefstroom is die Landboukundige van die Jaar. Sy is veral bekend om haar navorsing oor die mieliestamboorder en die benutting van Bt-tegnologie as deel van ’n geïntegreerde plaagbestrydingstelsel.
Sy tree gereeld op boeredae as spreker op waar sy praat oor die gratis ekodienste wat ’n diverse en gebalanseerde insektegemeenskap in ’n bewaringsboerderystelsel kan lewer.
Sy bestudeer al jare lank die ontwikkeling van weerstandigheid teen Bt-tegnologie en die uitwerking van GM mielies op die omgewing. Deesdae spits sy Landbouweekblad haar ook toe op die bestryding van die nuwe indringerplaag, die herfskommandowurm.
SPESIALE ERKENNING
Mnr. Theo Vorster en Senwes het vanjaar spesiale erkenning gekry vir ’n besonderse bydrae ten opsigte van kommunikasie en gesprekvoering oor die landboubedryf, spesifiek vir Nasie in Gesprek.