Kerskransbrood
Lewer 18 tertjies. Met hierdie veelsydige brooddeeg maak jy die lekkerste, sagte, ryk broodrolletjies of vlegselbrood. Jy kan enigiets byvoeg waarvan jy hou – gekapte olywe, kruie, speserye, neute of sade.
625 ml witbroodmeel 1 pakkie (10 g) kitsgis 7 ml sout 2 ml koeksoda 60 ml warm water 60 ml gesmelte botter 1 houer (250 g) gladde volvet-maaskaas 1 ekstragroot eier Paar jong roosmaryntakkies
Meng die meel, gis, sout en koeksoda in ’n mengbak. Klits die warm water, gesmelte botter en maaskaas saam met een eier en voeg dit by die droë bestanddele. Meng tot ’n sagte, klam deeg. Knie vir 10 minute op ’n meelbestrooide oppervlak tot glad en elasties. Sit in ’n groot, skoon bak wat met olie gesmeer is en bedek losweg met ’n teedoek of plastiek. Laat rys op ’n warm plek tot dubbel die volume. Knie af en verdeel in drie ewe groot dele.
Rol elke deel tussen jou hande om drie lang, dunnerige “toue” deeg te maak. Vleg die drie stukke deeg en vorm die deegvlegsel in ’n krans. Sit die krans op ’n bakplaat en laat rys vir nog 30 minute, terwyl jy die oond voorverhit tot 200 °C.
Druk ’n paar stukkies roosmaryn in die broodvlegsel en bak die brood vir ongeveer 20 minute, tot goudbruin en deurgaar. Sit louwarm voor met plaasbotter. Lewer 8 porsies.
250 ml vars broodkrummels 1 knoffelhuisie, fyn gerasper 30 ml olyfolie 80 ml dennepitte 80 ml pimperneute, grof gekap 10 ml fyngekapte, vars salie of tiemie Sout en vars gemaalde swartpeper na smaak
Voorverhit die oond tot 160 °C. Steek gaatjies oral oor die boud met ’n skerp dunlemmes. Sny elke knoffelhuisie middeldeur (of selfs kleiner) en steek ’n stukkie knoffel in elke gat. Smeer die skaapboud goed met olyfolie, besprinkel ruimskoots met worcestersous, seesout en swartpeper. Sit die boud in ’n baksakkie saam met ’n paar takkies vars roosmaryn en bind deeglik toe. Gebruik ’n sosatiestokkie om ’n paar gaatjies aan die bokant van die baksakkie te maak sodat die stoom kan ontsnap. (Die gaatjies moenie so groot of laag wees dat vloeistof kan uitlek nie.) Bak vir 2½-3 uur tot die vleis effens meegee en sag voel wanneer jy met jou vinger op die dikste deel van die boud druk.
Haal die boud uit die oond en laat staan vir minstens 20 minute in die baksakkie. Haal die boud uit die sakkie en sit dit op ’n bakplaat of opdienbord. Giet die pansouse af in ’n kastrol en hou eenkant. Verhoog die oondtemperatuur tot 190 °C.
Meng die bestanddele vir die bolaag saam en skep dit oor die boud. Druk dit liggies op die vleis vas met jou vingers.Oondrooster die vleis sonder ’n deksel vir ongeveer 20-30 minute, tot die krummellaag goudbruin en lekker bros is. Haal die vleis uit die oond en laat dit vir ’n paar minute rus. Maak ’n vleissous van die pansouse, ’n bietjie soetwyn en room en sit dit voor saam met die vleis. Lewer 8 porsies.