EURO-LENINGS KAN HELP TEEN AARDVERWARMING
DIE omgewingsrisiko’s vir die landbou raak ál groter. Daarom moedig die Land Bank boere en landboubesighede toenemend aan om alternatiewe energiebronne en beter tegnologie vir watergebruik, besproeiing en kunsmistoediening te oorweeg, sê mnr. T.P. Nchocho, dié bank se uitvoerende hoof.
En nou, danksy ’n leningsooreenkoms met die Europese Beleggingsbank (EIB) vir €50 mil- joen, is daar spesifiek finansiering vir Suid-Afrikaanse landbou-ondernemings van enige grootte beskikbaar om sulke projekte in hul besighede aan te pak.
Danksy die EIB-lening kan die Land Bank nou aan ’n boer produksiefinansiering én finansiering vir die vermindering van klimaatsinvloede toestaan, sê hy.
“Ons hoop ons sal met die EIB se hulp die veerkragtigheid van die landbousektor kan bly vervolhoubare Nchocho én me. Maria Shaw-Barragan, die EIB se direkteur van wêreldvennote, het die hoop uitgespreek dat dié eerste ooreenkoms tussen die twee instellings deur soortgelykes gevolg sal word. Shaw-Barragan het gesê dit is die eerste keer dat die EIB landbou en klimaat kombineer. Sy beskryf die verhouding tussen die EIB en die Land Bank as “werklik ’n vennootskap van beleidsinstellings met dieselfde ingesteldheid”.
Shaw-Barragan het gesê die lenings gaan uiteindelik oor produksie. “Dit is goed vir die boer, want dit maak sakesin, maar dit is ook goed vir die wêreld.”
Die EIB is die Europese Unie (EU) se instelling vir langtermynlenings en behoort aan die unie se lidstate. Dit voorsien finansiering binne én buite die EU.
Die bank is sedert 1994 in Suid-Afrika betrokke, waar hy meer as €3,1 miljard se finansiering verskaf het, onder meer in die energie-, vervoer-, landbouen kleinsakebedryf. Shaw-Barragan sê dit is vir die EIB belangrik om die regte vennote met dieselfde waardes en voorrangsake te vind.
Die lening om klimaatsverandering te takel, is die Land Bank se vierde groot lening waarmee die bank sy langtermynlikiditeit verbeter. Die bank sê hy het die afgelope jaar hard daaraan gewerk om sy finansieringsbronne te diversifiseer om voortgesette steun vir landbougroei en -transformasie te verseker.