CHINA | Beijing nie lus vir GM mielies
Bestellings vir tot 210 000 ton Amerikaanse mielies ter waarde van $40 miljoen (R360 000) is volgens berigte in China gekanselleer nadat die invoerders nie permitte daarvoor kon kry nie.
Drie ingeligtes in die Chinese graanhandel sê nadat invoer uit Amerika einde verlede jaar skerp gestyg het, het dit vanjaar moeiliker geword vir graanmeulens om permitte te kry om dié GM mielies te verwerk. Nou koop Chinese handelaars eerder van die Oekraïne, waar die mielies nie-GM is en dus nie permitte nodig het nie.
Verlede jaar het die Chinese regering ook invoervereistes vir GM sojabone verhoog, wat tot vertragings en kleiner bestellings gelei het.
Nagenoeg twee derdes van die 2,83 miljoen ton mielies wat China verlede jaar ingevoer het, was van die Oekraïne en ’n kwart uit Amerika.