AMERIKA | Studie kom oor effek van hoenderplase
2
Die regering van die Amerikaanse deelstaat Maryland oorweeg ’n omvattende studie om te bepaal of die reusehoenderfabriekplase wat die hoeksteen van die deelstaat se landboubedryf vorm, gesondheidsprobleme, soos asma, vererger.
Die regering wil ’n komitee daarstel om ’n studie oor die luggehalte in landbougemeenskappe te doen. Hy wil dan teen volgende Januarie ’n plan vir openbare kommentaar en wetenskaplike oorsig publiseer.
Die Amerikaanse omgewingsbeskermingsagentskap (EPA) het ná ’n twee jaar lange studie reeds in 2011 navorsing gepubliseer wat daarop dui dat sulke aanlegte soveel besoedeling vrystel dat dit onderhewig behoort te wees aan meganismes ingevolge die federale wet op luggehalte. Ondanks dié navorsing is daar teen verlede jaar nog geen standaarde of protokolle daargestel om die luggehalte vanweë landboubedrywighede te monitor nie.