COSTA RICA | Robuuste koffie nou weer welkom

3

Die regering van Costa Rica het ’n verbod van 30 jaar op die meer geharde koffieplant robusta beëindig. Dié land is een van die kleiner koffieproduserende lande in Sentraal Amerika, maar is bekend vir die hoë gehalte van sy arabica-kultivars. Robusta is weens ’n hoër kafeïeninhoud minder vatbaar vir siektes en stygende temperature as arabica, maar die bone het ’n sterker en bitterder smaak.

’n Studie wat verlede jaar in die joernaal gepubliseer is, raam dat die wêreldwye gebied waar koffie verbou kan word, teen 2050 met tot 50% kan krimp.

Puriste is bekommerd dat robusta die reputasie van Costa Rica se bone van hoë gehalte kan skaad, maar die nasionale koffie-instituut sê robusta sal net toegelaat word in spesifieke dele van die land waar arabica-bome nie aard nie.