PRAKTIESE VELDPROEWE
Kom luister hoe van die beste boere in Suid-Afrika vertel hoe hulle die natuur vir hulle laat werk. Hulle vertel van hul lesse, probleme en suksesse. Dié boere is: Egon Zünckel, KwaZulu-Natal; Dirk Lesch, Wes-Kaap; Bertie Coetzee, Noord-Kaap; Izak Dreyer, Vrystaat; André Lund, Karoo; Gerrit van Zyl, Vrystaat; en Hannes Otto, Noordwes. Onder leiding van die Reitz Riemland-studiegroep is ’n reeks dekgewasproewe op ’n nabygeleë plaas geplant om prakties te wys hoe verskillende saadmengsels presteer, hoe om mengsels te plant en hoe bewerkingsbenaderings verskil. ’n Demonstrasie van ultrahoëdigtheidsbeweiding sal ook op die plaas te sien wees.