SONKRAG SORG VIR SUIWER DRINKWATER
DISTILLERING Watersuiweringstelsels wat met sonkrag werk en in verskillende groottes saamgestel kan word, word nou deur H2O4Africa bemark. Die stelsel bestaan uit Carocell-watersuiweringspanele wat deur sonkrag ’n natuurlike distilleringsproses aan die gang sit om besoedelde water vanuit enige bron tot veilige drinkwater te suiwer.
Dit kan seewater ontsout en water suiwer van onder meer arseen, Escherichia coli, wateroordraagbare siektes en minerale, soos yster, fluoor, kalsium en chloor. Distillering is ’n internasionaal erkende metode van watersuiwering en watertoetse is al op verskeie vlakke oor die hele wêreld gedoen.
Die verspreiders sê die sonkrag-waterplase is outomaties en verg min onderhoud. Die water verdamp en kondenseer binne die paneel met behulp van sonkrag. Die gedistilleerde water word geskei van ongedistilleerde water wat steeds besoedel is. Hierdie water is dalk vir ander huishoudelike gebruike geskik of kan weer deur die stelsel gestuur word.
Van die tipiese gebruike is die ontsouting van seewater, die suiwering van besoedelde boorgatwater of fonteinwater en die benutting van reënwater.
’n Stelsel met vyf panele kan daagliks drinkwater aan 20 mense verskaf en een met 70 panele kan drinkwater aan ’n dorp met 300 mense voorsien. Prys: Vanaf R8 000 vir ’n eenheid wat 10 liter per dag lewer. jacques.welthagen@gmail.com, Prys: