Kry groener sirkels met diéaanbod
Besproeiing is vir talle boere nie ’n luukse nie, maar onlosmaaklik deel van hul risikobestuursplan en visie vir volhoubaarheid. Boonop is dit bekostigbaarder as wat jy dink.
Een van Suid-Afrika se voorste vervaardigers van spilpunte, Senter360, wil aan soveel moontlik boere die kans bied om die voordele van besproeiing te geniet.
Senter360 het ’n plan beraam vir kleiner landerye, nuwe toetreders tot besproeiingslandbou en boere met ’n beperkte begroting of waterbronne. Dié maatskappy, met sy hoofkantoor in Klerksdorp en takke in Hartswater en Cradock, het ’n spesiale aanbieding op sy eentoring-spilpunte (kyk onder die kleinadvertensiehofie
“Senter360 het spilpunte in sy eentoring-reeks wat elektries en wateraangedrewe is en wissel van 2,3 ha tot 3,8 ha. Die aanbod behels 4,5%-afslag op elektries aangedrewe spilpunte en 2%-afslag op die wateraangedrewe weergawe. Dit is geldig tot Vrydag 30 Maart 2018. Boonop versprei ons landwyd,” sê mnr. Johann Breet, besturende direkteur van Senter360.
UIT DIE PERD SE BEK
Mnr. Lappies Labuschagne, een van Senter360 se klante, vertel self hoekom hy dié handelsnaam aanbeveel: “Ek boer in ’n winsdeelooreenkoms en ’n goeie belegging in besproeiing is ’n groot en belangrike besluit.”
Hy boer tussen Warden en Reitz met “enigiets wat geld maak”, sê hy laggend. Gewasse onder besproeiing sluit in aartappels, sojabone, mielies, rog en voorheen ook koring. Die water kom uit die Wilgerivier.
“Senter360 se spilpunte is puik. Die vakmanskap is baie goed en teen ’n billike prys kry jy ’n uitstekende produk wat hóú. Ons besproei 52 ha en gebruik ’n sewetoring-spilpunt en ook twee drietoring-spilpunte.”
Hy is ewe beïndruk met Senter360 se dienslewering.
“Oor Kersfees het een van die spilpunte, wat reeds tien jaar lank diens doen, ’n grondwal op een van die aartappellande getref en omgekantel. Die hoofwaterpyp het niks oorgekom nie en die skade was min. Senter360 se span het in die vakansietyd uitgekom om die nodige herstelwerk te doen en ons kon gou weer sonder probleme besproei.”
DATA EN TEGNOLOGIE
“Die maatskappy wil sy tegnologie-aanbod verskerp,” sê Johann. Gevolglik wil Senter360 verskeie nuwe besproeiingsoplossings op die Nampo-Oesdag uitstal.
“Senter360 se benadering in LINKS: die ontwerp van ’n besproeiingstelsel is om saam met die boer te werk. Daarvoor is die regte data nodig om die beste planne te beraam,” sê Johann.
“Ontleed die grond en water voordat jy ’n nuwe spilpunt installeer. Daarna formuleer ons ’n besproeiings- en skeduleringsplan. Dit sluit in hoeveel water ’n landery tydens ’n seisoen vir ’n spesifieke gewas benodig, gegewe die tipiese weersomstandighede oor ’n tydperk. Ons kyk ook hoe gereeld jy sal moet besproei en hoeveel water die natuur sal voorsien,” sê hy.
’n Volledige besproeiingsplan en skedulering word volgens hierdie data uitgewerk. Dit word aangepas na gelang van grondvogmonsters en veranderlikes in die klimaat tydens die groeityd.
HARTSWATER
Senter360 het verlede Desember sy perseel by Hartswater verskuif. Die tak is nou sentraal geleë op die hoek van Daphneen Stasiestraat op dié dorp. Die tak verkoop spilpunte en bied deurlopende ondersteuning aan die Taung-besproeiingskema met sy 55 spilpunte. ’n Ontwerper, wat pasgemaakte drup- en mikrobesproeiingstelsels sal help ontwerp, gaan binnekort by die span aansluit. www. 018 468 1331.