MINISTER PRAAT MET PERSKLUB

ME. NOMVULA MOKONYANE (links), Minister van Water en Sanitasie, was die genooide spreker op ’n byeenkoms van die Kaapse Persklub oor die droogtekrisis waaronder dié stad gebuk gaan. Waterverbruikers in Kaapstad gebruik steeds meer water as wat aan hulle toegeken is. Mokonyane het gesê die landbou en ander bedrywe moet nuwe maniere vind en huishoudelike verbruikers moet praktiese raad kry oor hoe om waterverbruik te verminder en water te hergebruik. By haar is Joylene van Wyk van Landbouweekblad, ook voorsitter van die Kaapse Persklub.