Besproeiing
In ’n waterskaars land soos Suid-Afrika móét boere beter waterbestuur toepas. Besproeiing benut ’n enorme hoeveelheid water, maar gelukkig is daar oplossings vir hoër doeltreffendheid met minder water, verduidelik ’n besproeiingskenner.
Tegnologie kan help om die waterverbruik van selfs besproeiingstelsels wat groot volumes water verbruik, soos spilpunte, beter te bestuur. “Om in die wêreld se groeiende vraag na voedsel, brandstof en veselstowwe te voorsien, moet boere meer lewer met minder. Tegnologie maak dit vir boere makliker om presies dít te doen,” sê mnr. Adam Olivier, FieldNETdiensbestuurder van Lindsay Africa.
FieldNET® deur Lindsay is ’n voorbeeld daarvan. Dit is ’n ten volle geïntegreerde koordlose tegnologie en bestuurshulpmid del. Danksy die afstandbeheerstelsel kan boere hul besproeiingstelsels van feitlik enige plek af monitor en beheer met ’n rekenaar, tablet of slimfoon wat aan die internet gekoppel is.
MONITOR EN BEHEER
“Tegnologie bied aan boere die inligting wat hulle nodig het om beter besproeiingsbesluite te neem. Met dié toonaangewende tegnologie kan boere hul opbrengste verbeter en op lang termyn energie, water, chemikalieë en arbeid bespaar,” sê Adam.
Wanneer FieldNET by ’n besproeiingstelsel geïntegreer word, kan dit die volgende as pekte by spilpunte en laterale besproeiing monitor en beheer: Pompe. Beheer en monitering. VRI (variable rate irrigation) skep veranderbare besproeiingskoersplanne vir elke landery. Status. Ontvang intydse inligting rakende vloeistatus, druk, vloei, watervlak en kragverbruik. Die stelsel maak die nodige aanpassings. Meer krag lewer groter doeltreffendheid, maar minder energiegebruik se voordeel is minder slytasie. Gebruikersvlakke. Pasgemaakte of onbeperkte gebruikersvlakke kry toegang tot moniterings en beheerfunksies van die hele besproeiingstelsel; bestuurders kry toegang tot monitering en beheerfunksies van gekose lande of sensors onder hul toesig; “toeskouers” kry toegang om slegs die status van gekose lande of sensors wat op hulle van toepassing is, te sien. Waarskuwings. Ontvang pasgemaakte en omvattende teksboodskappe oor hoë, medium of lae watervlakke of eposwaarskuwings as daar probleme is, soos verstellingsfoute of laedrukafskakelings. Dié waarskuwings kan pasgemaak word vir die verskillende gebruikersvlakke. Gevolglik hoef ’n plaaseienaar nie gepla te word met lae of mediumvlakwaarskuwings wat nie van kritieke belang is in sy daaglikse bedrywighede nie. Gebruiksverslae. Skep pasgemaakte gebruiksverslae wat insig bied in al die werksaamhede en uiters waardevolle, goed voorgelegde data bied om boere te help om op ’n jaargrondslag hul opbrengs en die benutting van water, chemikalieë, kunsmis, krag en reënval te verbeter. Dosering. Dien water en chemikalieë presies toe met die nuutste VRIpresisietegnologie (bykomende toestelle nodig).