ZAMBIË | Koppe gaan rol oor insetsubsidie
Me. Dora Siliya, voormalige minister van landbou in Zambië, het kort voor haar herontplooiing die “grootste afdanking van mense in die ministerie van landbou” belowe oor vertragings in die uitbetaling van die 2017-’18 Farmer Input Support Programme, ’n steunprogram wat deur middel van nuwe elektroniese bewyse geskied.
Teen verlede week het 100 000 kleinboere nog gewag op produksiemiddele sodat hulle kan plant. Die Zambiese boere-unie spreek reeds maande lank sy kommer uit oor die uitwerking wat dié probleme op voedselsekerheid gaan hê.
Verlede jaar se mielie-oes was 3,6 miljoen ton, wat 25% groter was as die vorige jaar.