GEEN GELD VIR CLANWILLIAMDAMWAL
DIE Departement van Water en Sanitasie het nie geld om voort tegaanomdiewalvandieClanwilliamdam te verhoog nie, aldus me. Helen Zille, premier van die Wes-Kaap.
In haar rubriek in Daily Maverick skryf Zille dat me. Nomvula Mokonyane, Minister van Water en Sanitasie, onlangs dié inligting deurgegee het tydens ’n vergadering in die provinsie.
Die departement het in die boekjaar 2013-’14 R2 miljard gekry om die damwal te verhoog. Nadat die departement se geldnood verlede jaar bekend geword het, het me. Pamela Tshwete, Adjunkminister van Water en Sanitasie, die versekering gegee dat sekere nuwe projekte, soos die Umzimvubudam en die Clanwilliamdam, nie gestaak sal word nie.
“Hierdie projekte sal nie gestaak word nie. Ons gaan seker maak ons doen die werk daar.”
Diedepartementhetgesêdie plan is om die houvermoë van die Clanwilliamdam tot 240 miljoen kubieke meter te vergroot deur die wal hoër te maak.
Dit sal watersekerheid in die Sederberge en die Matzikamagebied verbeter en beteken dat duisende hektaar bykomende landbougrond besproei sal kan word.
Die departement se begroting vir die ontwikkeling van waterinfrastruktuur is R12,2 miljard en sy totale begroting vir 2017-’18 is R15,1 miljard.
Om sy geldelike nood te verlig, wil die departement munisipaliteite se versnelde gemeenskapsinfrastruktuurprojekte en die infrastruktuurtoelaag vir waterdienste waarmee nog nie begin is nie, uitstel. Hy wil die geld gebruik om die R1,5 miljard wat aan kontrakteurs verskuldig is, te betaal.
Zille het in haar skrywe gesê dat werk aan die Clanwilliamdam gestaak is omdat die departement besluit het om ’n tenderproses in te stel.
TENDER NIE TOEGEKEN
Landbouweekblad het verlede jaar berig dat werk aan die damwal in September 2016 gestaak is. Sedertdien is geen verdere konstruksiewerk gedoennie.
Zille het gesê ’n tender is toe nooit toegeken nie.
Die proses het einde Desember tot stilstand gekom omdat die departement nie genoeg geld gehad het om ’n suksesvolle bieër aan te stel nie.
Die bou-eenheid van die departement het aanvanklik die hele projek behartig.
Die departement wil die geld gebruik om die R1,5 miljard wat aan kontrakteurs verskuldig is, te betaal.