Koekies & beskuit
Tuisgebakte beskuit of kleinkoekies troef enigiets wat uit ’n winkelpakkie kom. Hierdie vyf staatmakerresepte uit ons Boerekos-kombuis is gewaarborg om die komplimente te laat inrol.
1 liter karringmelk of suurmelk 45 ml vanieljegeursel 250 ml suiker 5 ml sout 250 ml sonneblomsaad 125 ml papawersaad 250 ml sesamsaad 125 ml pampoensaad 500 ml muesli 6 x 250 ml koekmeel 40 ml bakpoeier
Voorverhit die oond tot 180 °C en smeer ’n groot oondpan met olie. Smelt die botter en olie saam in ’n groot kastrol, maar dit moenie kookpunt bereik nie. Verwyder van die hitte en roer die karringmelk (of suurmelk), vanieljegeursel, suiker en sout by. Meng die res van die bestanddele in ’n groot mengbak en voeg die karringmelkmengsel by. Meng baie goed. Skep in die voorbereide pan en bak vir 5060 minute, tot deurgaar en ’n toetspen skoon uit die middel van die beskuit kom. Laat die beskuit vir ’n paar minute in die pan afkoel en keer dan uit op ’n draadrak om verder af te koel. Gebruik ’n vurk of ’n broodmes om die beskuit in stukke te breek of te sny. Pak op bakplate en droog dit vir ongeveer 6 uur of oornag uit teen 70 °C. Laat die oonddeur op ’n skrefie oopstaan terwyl die beskuit uitdroog. Lewer 6 dosyn beskuit.
Bros grondboontjiebotterkoekies
250 ml grondboontjiebotter 125 ml sagte botter 250 ml ligbruinsuiker 1 eier 5 ml vanieljegeursel 375 ml koekmeel 5 ml koeksoda 1 ml sout
Voorverhit die oond tot 180 °C en voer ’n paar bakplate uit met bakpapier. Spuit liggies met kleefwerende kossproei. Verroom die grondboontjiebotter, sagte botter, suiker, eier en vanieljegeursel goed saam tot romerig. Sif die meel, koeksoda en sout oor en maak aan tot ’n deeg. Verkoel tot die deeg ferm genoeg is om in bolletjies te rol. Knyp stukkies deeg (ongeveer 30 ml) af en rol in bolletjies. Pak die deegbolletjies op die bakplate (laat ’n redelike spasie tussen elkeen omdat die koekies effens sal uitsprei in die oond). Druk elke koekies liggies met ’n vurk plat en bak vir 8-9 minute of tot die onderkante net-net begin goudbruin word. Laat die koekies vir ’n paar minute op die bakplate afkoel (die koekies sal nog sag wees) tot dit ferm genoeg is om met ’n eierspaan of paletmes af te lig tot op ’n draadrak. Laat die koekies afkoel tot kamertemperatuur voor jy dit in ’n lugdigte houer bêre. Lewer ongeveer 6 dosyn koekies.
Sjokoladeheuningkoek-koekies
’n Sjokoladesplinterkoekie is lekker, maar ’n sjokoladesplinterkoekie met bros heuningkoek daarin, is absoluut onweerstaanbaar.
125 ml botter 180 ml bruinsuiker 180 ml witsuiker 2 eiers 5 ml vanieljegeursel 200 ml sjokoladesplinters 2 (35 g elk) Crunchie- sjokoladestafies, gekap 560 ml koekmeel 4 ml koeksoda 3 ml sout
Voorverhit die oond tot 180 °C en voer ’n paar bakplate uit met bakpapier. Spuit liggies met kleefwerende kossproei. Verroom die botter, bruinsuiker en witsuiker goed saam tot romerig. Voeg die eiers en vanieljegeursel by en klits goed. Roer die sjokoladesplinters en die stukkies Crunchie by. Sif die meel, koeksoda en sout oor en maak aan tot ’n deeg. Verkoel tot die deeg ferm genoeg is om in bolletjies te rol. Gebruik ’n 15 ml-maatlepel om gelyke hoeveelhede deeg uit die skep om in bolletjies te rol. Pak die bolletjies op die bakplate en druk elkeen net baie liggies platter met jou vingerpunte. Bak die koekies vir 10-12 minute tot die onderkante net-net begin verdonker. Laat die koekies vir ’n paar minute op die bakplate afkoel (die koekies sal nog sag wees) tot dit ferm genoeg is om met ’n eierspaan of paletmes af te lig tot op ’n draadrak. Laat die koekies afkoel tot kamertemperatuur voor jy dit in ’n lugdigte houer bêre. Lewer 12 dosyn koekies.