RAS EERSTE KEER ONDERHAMER
Die eerste veiling van Bosvelderskape het groot belangstelling uitgelok.
Me. Rudette Nel, voorsitter van die LimpopoPedienBosvelderstudiegroep, sê die paviljoen by die BelaBelakleinveesentrum waar die veiling op 3 Februarie gehou is, was volgepak.
Die veiling is saam met die studiegroep se jaarlikse Pediskaapveiling gehou, wat soos vorige jare deur Vleissentraal Bosveld aangebied is.
Die Bosvelder is’n veredelde Pediskaap.
Nel sê kopers het van so ver as die NoordKaap en KwaZuluNatal gekom en daar was ook heelwat nuwe kopers.
Die hoogste prys wat vir ’n Bosvelder behaal is, was R16 500 vir die Bosvelderram Boesman van mnr. Theo Hoffman van Loskopdam. Die gemiddelde prys vir Bosvelderramme was R10 705 stuk en vir Bosvelderooie R4 066 stuk.
Een van Nel se dragtige Bosvelderooie het die hoogste prys vir ’n ooi behaal (sien foto), naamlik R7 500. Nel boer op die plaas Albion by Rooibokkraal naby Thabazimbi.
Die hoogste prys wat vir ’n Bosvelderooi met ’n lam betaal is, was R6 500. Die verkoper was dr. Hercu van Niekerk van Modimolle.
Al 60 Bosvelders wat op die veiling aangebied is, is teen ’n omset van R297 000 verkoop.
Die totale omset van die veiling was R628 000 vir 157 Pedi en Bosvelderskape.
— CARIEN KRUGER