Quinoa KZN se nuwe mielies?
’n KwaZulu-Natalse boer het daarin geslaag om quinoa suksesvol te verbou. Dié pseudograan uit die Andesgebergte in Suid-Amerika raak ál gewilder onder ryk en gesondheidsbewuste Westerse verbruikers.
Quinoa, wat ook toenemend in Australië en Amerika as wisselbougewas beproef word, is onder meer besonder hoog in proteïene en staan as ’n sogenoemde superkos bekend.
Mnr. Erich Barry, wat buite Winterton aan die voetheuwels van die Drakensberge tussen Champagne Castle en Cathedral Peak mielies en sojabone saai, sê hy het die lappie quinoa op droëland met ’n koringplanter gesaai.
’n Medeboer, mnr. Angus McIntosh van Stellenbosch, het vir hom ’n paar sakkies quinoi uit ’n kruidenierswinkel gebring. Hy het maar geraai hoe diep of dig dit gesaai moet word, maar dit het gou welig gegroei te midde van een van die ergste droogtes wat dié gebied nog getref het. Die onkruid wat tussenin opgekom het, het hy met die hand uitgetrek.
Hy is steeds onseker hoe quinoa verbou of geoes moet word nie, maar sal nou wag en kyk en navraag probeer doen by oorsese boere wat dit wel kommersieel verbou.
Die prys van quinoa het ’n paar jaar gelede teen ’n rekordtempo gestyg nadat dit al hoe gewilder op Westerse kosrakke begin raak Meer as honderd boere en vyftien kleinhandelaars en slaghuise neem nou al aktief aan die Karoolam-sertifiseringskema deel, berig Karoo Meat of Origin, die organisasie agter dié skema, in sy jongste nuusbrief.
Deelnemers boer by Carnarvon, Williston en Calvinia en daar word sowat 900 egte Karoolamkarkasse per maand verhandel. het. Quinoa is glutenvry en word tradisioneel deur kleinboere in Peru en Bolivia verbou, waar dit ’n stapelvoedsel is.
Dit is nie ’n graan of ’n peulplant nie, maar aan spinasie en suikerbeet verwant.
Namate die prys so skerp gestyg het, het al hoe meer boere, ook in Europa, dit kommersieel begin verbou. Die gewas is nie net voedsaam nie, maar aard ook goed in gebiede met marginale grond en lae reënval, soos Wes-Australië.
Die webtuiste DutchNews.nl berig dat Nederland een van die lande is waar quinoa al hoe gewilder raak. Dit word toenemend in die plek van rys gebruik. Nederland se verbruik het volgens dié land se statistiekdiens van 267 000 kg in 2012 tot meer as 2 miljoen kg in 2016 toegeneem.
Net in 2016 is ook 5,5 miljoen kg quinoasaad na dié land uitgevoer en sowat 20 Nederlandse boere eksperimenteer deesdae met die gewas.
Peru is steeds die wêreld se voorste quinoaprodusent, gevolg deur Bolivia en Chili.