DÍT MOET GEBEUR VOOR DIE REGERING GROND KAN AFVAT

INDIEN onteiening van grond sonder vergoeding wél geïmplementeer word, sal die Grondwet eers gewysig moet word. Dr Langa Simela, sake-ontwikkelingsbestuurder by AbsaAgribesigheid, en mnr. Theo Boshoff, bestuurder van regsintelligensie by die landbousakekamer Agbiz, het die proses in ’n Absa-vooruitskouing probeer uiteensit. ’n Artikel 74-wetsontwerp wat poog om artikel 25 van die Grondwet te wysig, sal opgestel en aan die Parlement voorgelê moet word. Só ’n wetsontwerp sal waarskynlik deur die Minister van Justisie en Grondwetlike Ontwikkeling geïnisieer moet word. Minstens 30 dae voor die Minister dit in die Parlement voorlê, moet dit in die Staatskoerant afgekondig word. Dit gee die publiek ’n geleentheid vir skriftelike voorleggings oor die voorgestelde wysigings. Daarna word die wetsontwerp deur die Minister aan die Nasionale Vergadering (NV) en die Nasionale Raad van Provinsies (NRP) bekend gestel, saam met alle skriftelike kommentaar van die publiek en die provinsiale wetgewers. Die NV en die NRP sal ook verdere skriftelike of mondelinge kommentaar van die publiek inwin. Die wetsontwerp moet ook aan die onderskeie provinsiale wetgewers voorgelê word vir kommentaar. Daarna moet eers die NV en dan die NRP die wetsontwerp met ’n tweederdemeerderheid aanvaar. Dit kan egter nie binne die eerste 30 dae van die aanvanklike voorlegging van