OMSTREDE MOSIE STEUN OP VERDAGTE FEITE

DIE inligting oor grondbesit wat vervat word in die EFFleier mnr. Julius Malema se mosie in die Parlement om die Grondwet se eiendomsklousule te verander, is onduidelik en op plekke bloot verkeerd, sê mnr. Johann Bornman, die ekonoom wat saam met Landbouweekblad en Agri SA ’n onafhanklike oudit gedoen het

van grondbesit in SuidAfrika.

Die mosie maak die stelling dat “die Afrikaanmeerderheid beperk was tot net 13% van die grond in SuidAfrika, terwyl wittes 87% besit het teen die einde van die apartheidregime in 1994”.

Bornman wys egter uit dat die landbousensus van 1993 van die Departement van Landbou getoon het die ontwikkelende landbou in voormalige tuislande beslaan 17,1 miljoen ha, of 13,9% van die totale oppervlakte van die land. “Indien onbruikbare grond, soos berge en riviere, buite rekening gelaat word, is die oppervlakte 15%,” sê hy.

Voorts is 31,8 miljoen hektaar staatsgrond, asook grond van tuislande en ontwikkelingstrusts oorgedra aan mense van kleur én die Regering in 1994. Dié oppervlakte beslaan 28% van die totale bruikbare grondoppervlakte van die land.

Bornman sê ook die EFF se stel

ling in sy mosie dat “slegs 8% van die grond sedert 1994 aan swart mense oorgedra is”, en “swart mense besit minder as 2% van grond in die platteland, en minder as 7% van stedelike grond” is verkeerd.

“Gegrond op die grondoudit van ADS, Agri SA en Landbouweekblad van November 2017 beslaan die oppervlakte in besit van mense van kleur 38% van die bruikbare oppervlakte van SuidAfrika. Ten opsigte van landbougrond is dit 26,7%,” sê hy.

Hy verwys ook na bl. 12 van die verslag van die Departement van Landelike Ontwikkeling en Grondhervorming van November 2017, wat onlangs nieamptelik bekend gestel is, wat aandui mense van kleur besit 46% van die oppervlakte van erwe in dorpe en stede. Dis ’n wesenlike verskil van die inligting soos deur Malema voorgehou.