LANDBOU ‘KRY TE MIN AANDAG’
AL was daar erkenning vir die landbou se belangrike bydrae tot ekonomiese groei, is min verdere aandag in die begrotingsrede aan die landbou geskenk. Só sê mnr. Dan Kriek, voorsitter van Agri SA, in reaksie op mnr. Malusi Gigaba se begrotingsrede, enkele dae voor hy vervang is met ’n voorganger, mnr. Nhlanhla Nene.
“Gigaba bevestig die Regering is steeds verbind tot die doelwitte in die Nasionale Ontwikkelingsplan (NOP). Aangesien die NOP die landbou se oorweldigende vermoë ten opsigte van groei en werkskepping erken, sou ’n mens meer oor die landbou kon verwag het.”
Agri SA verwelkom die bykomende R6 miljard om die gevolge van die droogte teen te werk. Buiten die voorsiening van werkgeleenthede by die Werk vir Water-projek as teenvoeter vir landbouwerksverliese is daar egter geen vermelding van ander hulp vir die landbou nie.
Die R40 miljoen om toegang tot wêreldmarkte te verbeter, word ook verwelkom, maar die waarde daarvan sal afhang van Mnr. Dan Kriek hoe die geld gebruik word, het onder meer die TLU SA gesê.
REKENSKAP
Mnr. Bennie van Zyl, hoofbestuurder van die TLU SA, sê die Mnr. Bennie Van Zyl landboukwessies in die begrotingsrede was sterk transformasiegedrewe, soos die R581,7 miljoen wat aan die ontwikkeling van 450 swart boere bestee gaan word. “Vir my lê die kommer in die uitvoering van hierdie projekte. Gaan iemand uiteindelik rekenskap gee van wat bereik is met die besteding en die verskil wat dit gemaak het?”
Hy sê in baie gevalle beskou
‘Gaan iemand uiteindelik rekenskap gee van wat bereik is met die besteding en die verskil wat dit gemaak het?’