SA STAMBOEK SLAAN SLAG VIR TELERS
TWEE onlangse internasionale ooreenkomste van die Suid-Afrikaanse Stamboek- en Diereverbeteringsvereniging beteken plaaslike telers kan genomiese inligting nou veel doeltreffender benut.
Stamboek het onlangs die genomiese evaluasie Single Step vir twee vleisbeesrasse in werking gestel. Daarmee kan die akkuraatheid van voorspelling van genetiese waardes en die identifisering van geneties meerderwaardige diere betekenisvol verbeter word. Dit is hoofsaaklik danksy die insluiting van genomiese inligting in die genetiese voorspellings, luidens ’n verklaring van Stamboek.
’n Genomiese diens aan melktelers integreer ook die waardes van die Noord-Amerikaanse genomiese konsortium se verwysingsbevolking regstreeks met dié van plaaslike teelwaardes en bevolkings op Interbull.
Verder neem Stamboek ook deel aan Interbull se loodsprojek Intergenomics. Dit behels die ontwikkeling Volgens dr. Japie van der Westhuizen, hoofbestuurder van Stamboek, is besluit om die sagtewareprogram MIX99 van die Finse navorsingsinstansie die LUKE (die instituut vir natuurlike hulpbronne) vir die genomiese evaluasie vir vleisbeeste te gebruik om genomies verrykte teelwaardes te voorspel. MIX99 word deur meer as 20 sentrums wêreldwyd gebruik.