Boergroter,betermet moderne werktuie
Werktuie wat help om hoër opbrengste per hektaar lewer, is ’n manier om die groeiende wêreldbevolking te voed. het saam met ’n landboutoergroep die werktuigvervaardigers Kuhn in Frankryk en Krone in Duitsland, as gas van Rovic Leers SuidAfrika, besoek op
Die wêreldbevolking sal teen 2050 na raming sowat 9,6 miljard mense wees, wat ’n styging van 24% van 2014 tot 2050 sal beteken. Kosproduksie moet teen daardie tyd 70% meer as vandag wees, boonop op ’n beperkte hoeveelheid grond. Bewerkbare grond sal net met 70 miljoen hektaar in ontwikkelde lande kan toeneem en met 120 miljoen hektaar in ontwikkelende lande.
Mnr. Dominique Nicolas (regs), streeksverkoopsbestuurder van Kuhn, sê 90% van die groei in landbouproduksie moet met hoër opbrengste vermag word. Werktuigvervaardigers, soos Kuhn, het ’n groot verantwoordelikheid om boere te help om dié doelwit te jaag. Dié maatskappy verskaf werktuie aan boere in meer as honderd lande. Kuhn het fabrieke in Frankryk, Nederland, Brasilië, Argentinië en Noord-Amerika, en ook wêreldwyd verskaffers en onafhanklike invoerders van werk- tuie, waaronder Rovic Leers in Suid-Afrika.
Kuhn bestee 4% van sy inkomste aan navorsing en ontwikkeling. Dit kos drie tot vier jaar om ’n werktuig te ontwikkel, wat die toets daarvan in talle wêrelddele insluit sodat die maatskappy seker kan wees die werktuig kan in alle toestande presteer. Die toergroep het juis gaan kyk na dié nuwe ontwikkelings.
EVOLUSIE VAN LANDBOU
Die ontwerp en ontwikkeling van moderne werktuie wat inpas by die evolusie van die landbou, is veral belangrik in die moeilike tye wat wêreldwyd deur die land- bousektor ervaar word.
“Die verskaffing van werktuie van hoë gehalte alleen is nie genoeg nie. Ons moet ook ons benadering aanpas om klein, mediumgroot en groot boere van diens te wees,” sê Dominique.
“Ek is hoopvol oor Afrika. Suid-Afrika is die verwysingspunt met sy goed ontwikkelde ekonomie en moderne infrastruktuur. Ek het baie deur Afrika gereis om met bedryfsleiers, handelaars en boere te praat. Die doelwit is om hongersnood teen 2025 in Afrika uit te roei. Net die helfte van Afrika se bewerkbare grond word benut. Die helfte van die onontwikkelde grond in die wêreld kom op hierdie vasteland voor. Ek is oortuig Afrika sal in die nabye toekoms die wêreld kan voed,” sê hy.
SO SÊ DIE BOERE
Landbouweekblad het van die boere op die toer uitgevra oor hul siening van die rol wat moderne tegnologie en metodes in boerdery speel.