Só lyk ideale voermenger
Radium Engineering bied betroubare, duursame en kostedoeltreffende voermengers in sy Matrix-reeks. ’n Melkboer van Gauteng met ’n kudde van 1 100 diere vertel hoe dié voermengers in ’n intensiewe voerprogram presteer.
Tussen Randfontein en Tarlton in Gauteng lê C. Nel Boerdery waar mnr. Corné Nel met 650 koeie in melk en ’n totale kudde van 1 100 diere boer. Die plaas lewer sowat 19 000 liter melk per dag.
Dié melkboer het ook ’n saaiery en ’n Bonsmarakudde, maar dit is sy melkbeeste wat fyn bestuur vereis om die volvoerstelsel vir sy produksiekudde aan die gang te hou.
Corné melk sy Holsteinkoeie drie keer per dag op die 64-puntDe Laval-draaitafel wat in die afgelope jaar geïnstalleer is. Sy mikpunt is om die stalgemiddelde bó 30 liter melk per koei per BO: INLAS REGS BO: dag te handhaaf.
Corné het twee Matrix Argonvoermengers met ’n kapasiteit van onderskeidelik 9,5 m3 en 12 m3. Dié mengers kan ’n rantsoen meng wat selfs die uitsoekerigste melkbees nie sal sorteer nie. Die rantsoen bestaan hoofsaaklik uit mieliekuilvoer, eragrostishooi, koringstrooi en lusernhooi.
“Ek het meer as 20 jaar ervaring in die melkstal en het al baie verskillende soorte voermengers gebruik,” sê Corné.
“Vir my gaan dit eerstens om ’n doeltreffende mengproses, want in ons kudde sorteer die koeie hul kos. As die voer nie die regte snylengte is en die bestanddele nie goed gemeng is nie, neem die koeie nie genoeg ruvesel in nie en vreet hulle net agter die lekker aan. Steurnisse, soos suurpens, kan dan voorkom.
“Nóg ’n voordeel is dat Radium Engineering altyd reg staan om klante te help met herstelof onderhoudswerk. Dit bied ’n groot kostevoordeel om verslete onderdele of selfs die hele mengbak te vervang, maar die onderstel wat niks makeer nie, te behou.”
IETS VIR ALMAL
Radium se reeks Matrix-voermengers is beskikbaar in verskeie groottes en is geskik vir klein tot groot melkplase, voer- krale en intensiewe veeplase.
Die vertikale voermengers is ideaal vir die verwerking van groot hoeveelhede veselagtige produkte, soos hooi en strooi, terwyl die horisontale weergawes ontwerp is vir vinnige verkleining en vermenging om alle soorte voerprodukte tot ’n sagte, eenvormige rantsoen te vermeng.
Besoek die webwerf www. radium.co.za vir die spesifikasies van die verskillende mengers, asook die minimum kragvereistes van die verskillende groottes mengers. co.za; sales@radium. 012 719 9062. LINKS: