New Holland bied steeds aan Suid-Afrikaanse boere optimale werkverrigting en veelsydigheid met die beproefde T7000-trekkerreeks.
Gehalte is die hoofkenmerk van die Europese reeks trekkers van New Holland wat op internasionale vlak bekendheid verwerf het deur verskeie eerbewyse in te palm.
Dié reeks se twee modelle, die T7040 (134 kW) en die T7060 (157 kW), is albei toegerus met New Holland se gevorderde FPT-enjins met ses silinders en elektroniese brandstofinspuiting. Die 6,7 liter-enjins bied ’n verhoging in wringkrag van tot 30% in sekere toepassings, soos om dieselfde grondspoed te kan handhaaf teen opdraandes wanneer swaar vragte gesleep word.
Dié trekkers se verkoelingspakket sluit ’n “vistronic”- elektronies beheerde waaier in wat enjinkrag spaar deur net die reg- te hoeveelheid lugvloei deur die verkoelers te verseker. Dit vou boonop maklik oop om onderhoud, versiening en skoonmaak te vergemaklik.
RUS EN VREDE
Die T7000-reeks se lugverkoelde kajuit is die grootste in sy kategorie met ’n glasgebied van 5,87 m2 vir uitstekende visie. Die kajuit sluit dig teen lawaai en handhaaf besonder lae geraasvlakke van slegs 69 desibel in die kajuit.
Die operateur se sitplek het lugvering en daar is ook ’n passasiersitplek. Die beheerpaneel en kontroles is uitgelê met gerief en praktiese uitvoering in gedagte en dra by tot die trekkers se verhoogde operateursgerief. Die geslotebaan- hidrouliese stelsel is standaardtoerusting. Dit lewer 120 liter olie per minuut. ’n Hoëvloeistelsel wat 150 liter per minuut lewer, is ook beskikbaar as die werktuig dit nodig het.
Die elektronies beheerde driepuntstelsel kan doelgemaak bestel word met silinders van die korrekte deursnit wanneer verhoogde kapasiteit benodig word. Alle driepuntverstellings kan moeiteloos vanuit die kajuit gedoen word.
Drie meganies verstelbare hidrouliese kleppe lewer olie soos dit deur die werktuig vereis word. ’n 18x6 Powercommand “full powershift”-transmissie en ’n skuifbare kragaftakker (540, 750 en 1 000 r/min.) vorm deel van die standaardtoerusting.
Die reeks is ook opsioneel beskikbaar met die bekroonde “Autocommand”-transmissie wat operateursgerief en veelsydigheid tot nuwe hoogtes voer. Dit beteken geen ratskakelings word tydens versnelling gevoel nie, en enige grondspoed is beskikbaar vir optimale benutting in alle toepassings.
Die trekkers is die ideale keuse vir spesialistake, soos kompostering, waar standaardtoegeruste kruipratte ’n grondspoed van slegs 330 meter per uur gee.
Die T7060 is toegerus met ’n ten volle geïntegreerde PLM(precision land management) satellietstuurstelsel. Die T7040 is gereed vir inskakeling by só ’n stelsel met die regte bedrading vir koppeling. Die stuurstelsel kan moeiteloos gebruik word danksy ’n vergrote Intelliview-vierkleurraakskerm.
Die T7040 is as standaard toegerus met breë enkelagterbande, terwyl die T7060 dubbele agterbande het vir beter vastrapvermoë en flotasie. Danksy ’n kort draaisirkel is die trekkers die ideale keuse vir planters, asook vir primêre grondbewerking en saadbedvoorbereiding.
Reg by die operateur se pols is hierdie trekkerreeks met die druk van ’n knoppie programmeerbaar om draaie op die wenakker uit te voer.
Dit het ook ’n outomatiese funksie wat meganiese voorwielaandrywing uitskakel wanneer die operateur draai om onnodige slytasie aan die dryflyn van die trekkers te voorkom.
Met New Holland se gepatenteerde “intellishift”-funksie kan die trekker self die beste rat kies vir optimale werkverrigting en brandstofverbruik na gelang van die vrag agter die trekker en die posisie van die dieselpedaal wat ratskakeling feitlik outomaties maak.
Verskeie bykomende kragpunte kan vir toestelle, soos plantermonitors, in die kajuit aangewend word. ’n Balk waarop die skerms gemonteer kan word, is daarvoor beskikbaar.
BETAALPLAN
New Holland stel finansiering deur ’n landwye handelaarsnetwerk beskikbaar deur CNH Industrial Capital met die samewerking van Wesbank. ’n Finansieringsopsie van prima minus 5%* is nou beskikbaar op die T7000- trekkerreeks. *Bepalings en voorwaardes geld. Aanbod geldig tot 31 Maart 2018. Onderhewig aan goedkeuring.