Case IH bly trekpleister op Nampo
Case IH het sy volledige reeks produkte op die Nampo-Oesdag uitgestal en dié indrukwekkende uitstalling het beslis die skares gelok.
Bestaande, gewilde reekse en nuwe toevoegings tot die aanbod uit die Case IH-stal is op Nampo aan skougangers gewys.
“Nampo is die ideale platform vir die bekendstelling van produkte, soos ons nuwe 2000-Serie Early Riser. Dié planter is ’n unieke produk wat reeds sy waarde in proewe bewys het,” sê mnr. Daniel Bordabossana, bemarkingsbestuurder by Case IH in die Midde-Ooste en Afrika.
Northmec is die plaaslike verspreider vir Case IH in Suid-Afrika, Botswana, Lesotho, Swaziland en Namibië. Hy het 13 takke en 37 handelaars in Suider-Afrika.
EARLY RISER-PLANTER
Hoë presisie en beter produktiwiteit is nou makliker bereikbaar met Case se nuwe 2000-Serie Early Riser-planter. Hierdie is gemik op die presisieplasing van saad op enige terrein vir vinnige ontkieming en opkoms.
Die nuwe planter is verlede jaar in verskillende grondtoestande in Suider-Afrika getoets. Volgens die vervaardiger het die toetse getoon dat die plantjies danksy die akkurate saadplasing sowat een tot drie dae vin- niger opgekom het as met ander planters. Die toetse is gedoen in grondtoestande wat gewissel het van droë grond met min vog tot nat toestande. Die Early Riser het telkens die beste gevaar.
Dié planter is ook die enigste met fabrieksgeïntegreerde tegnologie vir presisieplant wat dit vir die boer moontlik maak om ’n planter van die fabriek af te kry wat klaar aangepas is vir sy spesifieke toestande. Dit is ontwerp vir doeltreffende werkverrigting op verskeie grondtipes, op enige terrein en vir enige soort gewas, en ook saam met enige kunsreeks
mistoediening. Die Early Riser plant selfs op ’n ongelyke terrein akkuraat en teen ’n spoed van tot 16 km/h.
GEWILDSTE TREKKERS
’n Wye reeks Case IH-trekkers was ook te sien, waaronder die gewilde, veeldoelige JX45T Compact (36 kW) en die reuse Steiger 600 (447 kW). Gunstelinge onder Nampo-besoekers was die Quadtrac 600 (447 kW) met sy rusperbandtegnologie, asook die Puma-trekker, ’n beperkte reeks wat verlede jaar spesiaal vir die 175ste verjaardag van die Case IH-handelsnaam ontwerp is.
REEKSE STROPERS
Die twee reekse groot 140- en 240- stropers met Axial-Flowenkel rotor tegnologie w asook te sien. Die Axial-Flow 240-reeks huisves nou a s’ n standaard toevoeging’ n tel e metriese stelsel waarmee die operateur die stroper se werking vanaf sy slimfoon of rekenaar kan monitor. Dit verbeter die algehele doeltreffendheid tydens strooptyd. Die AFS AccuGuide-stelsel is ook ’n standaardtoevoeging en maak dit makliker om koring, gars, kanola en sojabone te stroop.
SELFAANGEDREWE SPUIT
Case IH se nuwe Patriot 250 Extreme-spuit het baie belangstelling gelok, veral danksy die groter spuitarea en aanpasbaarheid wat tot groter oeste kan lei. Dié selfaangedrewe spuit is met AIM Command FLEX-spuittegnologie toegerus.
Die Patriot se uitleg, met die kajuit aan die voorkant en die enjin aan die agterkant, plaas die statiese gewig van die kajuit en enjin oor die voor- en agteras, met die dinamiese gewig van die chemiese tenks in die middel van die werktuig.
Die sleepkoppelingsuspensie absorbeer vertikale en laterale skokke op ’n manier wat geen ander spuitsuspensie in die mark kan ewenaar nie. Bykomende beskerming teen veldladings word gebied deur die werktuig se swaardienstipe lae-afwykingsraamwerk wat uit ’n enkele, vaste reghoekstaalpyp vervaardig word en ’n stabiele aanhegpunt vir die spuitbalke bied.
Die spuitbalke word uit reghoekige pype vervaardig in ’n dakkaptipe ontwerp. Die regteren linkerbalk funksioneer onafhanklik van mekaar, met ’n totale wydte van 27 m. Dié groot reikwydte beteken minder beweging en ’n groter spuitarea, wat lei tot ’n groter oes, verminderde slytasie en minder brandstofverbruik.
Die Patriot 250 Extreme se balkhoogte wissel van 60 cm tot 220cm. Die AutoBoombalkhoogtebeheer behou optimale spuithoogte vir beter dekking en die outomatiese AccuGuide-rigsnoerstelsel voorkom dat plekke oorgeslaan of dubbel bespuit word.
Die balke word gevoer deur ’n 2 500 liter-oplossingtenk en ’n 280liter-spoeltenk, met ’n chemiese uitsuier van 36,5 liter.
Danksy die onderstel wat 1,7m hoog is, en die grondvryhoogte van 1,6 m kan gewerk word in gewasse wat hoër gegroei het. ’n Kragtige en beproefde 4,5 liter-FPT-viersillinder-inlynenjin is onder die kap.