Só gaan die platteland herlewe
MAAK die grondkwessie jou neerslagtig? Dink jy die platteland is gedoem tot agteruitgang? Is jy moeg vir politici se onpraktiese planne?
Kom woon dan Landbouweekblad en Agri SA se grond- en plattelandse herlewingsberaad by en luister wat wit en swart boere doen om hul gemeenskappe te versterk.
Die beraad vind op 23 en 24 Augustus in Limpopo plaas op Wildswinkel se veilingsterrein op Bela-Bela. Die sprekers is meestal boere. Jy is ook welkom om jou sê kom sê tydens teetyd, middagete en by die geselligheid op die eerste aand van die beraad.
Ons weet almal van die groot bemagtigingsprojekte in die vrugtebedryf, maar ken jy die boere en werkers wat saam boer by Laingsburg, Loxton en Riviersonderend? Daar is Dirk Louw van Groblershoop, ’n voormalige plaaswerker wat nou self boer, en die bekende span boere van Agri Dwala, wat reeds as mentors vir ander boere optree.
Weet jy wie Partners for Possibility is en hoe boere van Letsitele deur dié organisasie help om plaaslike skole te verbeter? Wil jy die topbeesboer Kleinjan Gasekoma ontmoet? As jy dié stories wil hoor, bespreek dadelik.
Die beraad dek onder meer die volgende temas: Hoe vertrou ons weer mekaar? Hoe laat ons boerdery in die kommunale gebiede herleef? Hoe vernuwe ons verhoudings in plattelandse gemeenskappe? Hoe verander ons plaaswerkers se toekoms? Watter planne het ons met restitusieplase en die vestiging van boere? Hoe beleef swart boere die landbou en boerdery? Watter finansieringsmodelle is beskikbaar? Dit kos R2 100 (BTW ingesluit) per persoon vir etes op albei dae, ’n aandgeselligheid en verskeie inligtingsessies.
Bespreek by http://qkt.io/S0BAs5 of kontak jacolette.kloppers@landbou. com met navrae.