Die vervoer van wild oor lang afstande en rantsoenveranderinge het ’n blywende uitwerking op diere se spysverteringskanaal. Regstellende optrede is wel moontlik. Beskerm mikrobes só
Vervoerstres, voedingstres of die gebrek aan die regte voedingstowwe kan veroorsaak dat ’n groot aantal mikrobes in diere se spysverteringskanaal afsterf. ’n Drastiese afname in voordelige mikrobes lei tot minder beskikbare “werkers” wat voer kan afbreek en verteer, en dit dus vir die dier opneembaar maak. In akute gevalle gaan die dier se kondisie merkbaar agteruit, en in uiterste gevalle kan dit tot vrektes lei.
In die verlede het boere vars beesmis van diere in die omgewing gevoer aan diere wat na ’n nuwe gebied verskuif is. Wanneer diere geslag word, versamel boere ook ruminale vloeistof, wat oraal gedoseer is.
Moderne tegnologie het die proses verfyn en probiotika is ontwikkel. Dit verskaf diere ’n breë spektrum spesifieke mikrobes waar tekorte ontstaan weens stres. Dit kan ook gebeur waar jong diere hans grootgemaak word en nie noodwendig noodsaaklike mikrobes vir ruminale ontwikkeling, die afbreek van voer en vertering op ’n natuurlike wyse inneem nie.
PROBIOTIESE OPLOSSING
Biosin is ’n probiotika wat uit 33 verskillende mikrobiese stamme bestaan. Dit gaan deur verskeie prosesse om ’n meer stresweerstandige mikrobebevolking te verseker wat in die spysverteringskanaal vermeerder om voedsel vir vertering af te breek.
Biosin is ’n geregistreerde probiotika ingevolge Wet 36 van 1947 (reg.no. G1114). Dit bevat dieselfde reeks melksuurbak terieë as Biorem, maar in vloeibare vorm.
Die stamme van melksuurbakterieë in Biosin is spesifiek geselekteer vir sterk groeivermoë, met ’n goeie antagonistiese werking teen patogene organismes. Dit het ook goeie weerstand teen sekere toestande wat gewoonlik die vermindering van die konsentrasie voordelige bakterieë in die spysverteringstelsel tot gevolg het. BRON: Craig Shepstone (BSc.Agric. Veekunde Pri.Sci.Nat. 400012/10), sel 083 305 1380. NAVRAE: Webwerf: www.biorem. co.za; e-pos: info@biorem.co.za; 0861 246 736.