Beefmaster lei boere na groener weivelde
Beesboere wat op soek is na beter roetes na die mark vir hul vee, word aangemoedig om in vennootskap te tree met vleisbeeskenners wat toegang tot verskillende markte het. Dié vennoot is Beefmaster.
Boere moet in vennootskap tree met vleisbeeskenners wat toegang het tot verskillende markte. So sê mnr. Roelie van Reenen, direkteur van die verskaffingsketting by Beefmaster, ’n topprodusent van beesvleisprodukte aan Suid-Afrika, die Midde-Ooste, Verre-Ooste en verder.
Dit sal nie net uitvoervolumes en winsgewendheid vir boere verhoog nie, maar ook help om groei in die Suid-Afrikaanse ekonomie te stimuleer.
“Internasionale markte is ontvankliker vir Suid-Afrikaanse vleisprodukte as vantevore, danksy voordelige handelsooreenkomste wat onlangs onderteken is vir die uitvoer van beesvleisprodukte na China en elders,” sê Van Reenen.
Luidens verslae gaan die vraag na vleis in China verhoog. Die Organisasie vir Ekonomiese Samewerking en Ontwikkeling voorspel dat vleis in die komende jare die snelgroeiendste invoerproduk in China sal raak. China se amptelike vleisinvoer het feitlik twintigvoudig gegroei van 23 702 ton in 2010 tot ’n beraamde 460 000 ton in 2015.
Beefmaster het die afgelope jaar amper 1 000 ton vleis na China uitgevoer. Dít ondanks die beperkinge weens die onstabiele mielieprys en die tekort aan speenkalwers, wat die inbring van nuwe diere by die Beefmaster-kudde duurder gemaak het.
Van Reenen sê egter Suid-Afrika se vermoë om China se vereistes vir vleisinvoer te bestuur sal bepaal hoe groot voordeel die land sal trek uit’ n onlangse handelsooreenkoms tussen die twee lande. Streng gesondheids- en siektebeheer regulasies word toegepas, asook die grootste hekkie vir potensiële vleisuitvoerders om te oorkom, naamlik China se naspeurbaarheid s vereistes. Daar word van uitvoerders verwag om die vleis terug te spoor na die dier of kudde waar dit vandaan kom.
“Boere wat in tegnologie, soos naspeurbaarheid, belê en wat saam met Beefmaster werk, sal die eerstes wees wat voordeel trek uit hierdie tipe internasionale handelsooreenkomste ,” sê Van Reenen. Hy sê vleisbeesboere moet vennootskappe aangaan met kenners wat dié vereistes namens hulle kan bestuur.
“Ons i s’ n voorkeur verskaffer van rooivleis aan die Chinese uitvoermark danksy ons voorloop tegnologie op die gebied van kuddebestuur, produktiwiteit, aankope, bemarking, higiëne en huishouding. Dit is vaardighede wat ons aan die groter boerderybedryf kan oordra.
“Ons help ook boere om bykomende inkomste te ontsluit om die gehalte en volhoubaarheid van kuddes ’n hupstoot te gee. Ons werk nie net saam met gevestigde boere nie, maar ook opkomende boere wat, soos ons, etiese boerderypraktyke en volhoubaarheid aangryp.”
WAARDES
Van Reenen sê goeie verhoudings met die boerderygemeenskappe is die sleutel tot die Beefmaster-waardes, dermate dat baie boere al jare lank deel is van die Beefmaster-familie. Die maatskappy staan byvoorbeeld ’n aantal opkomende boere by deur middel van mentorskap programme. Hy het ook’ n aan- tal afset ooreenkomste met hier- die opkomende boere, wat die onderneming verbind om deel van hul toekomstige produksie te koop of te verkoop.
“Deur saam te werk kan ons die deur oopmaak vir goeie vleisboere om hul winsgewendheid te verhoog deur op die uitvoermark uit te brei. Dit sal lei tot ’n beter indiensnemings koerse n die groei van Suid-Afrika se bruto binnelandse produk (BBP) en uitvoermarkte,” sê Van Reenen.
WAARDEKETTING
Beefmaster se werksaamhede omsluit die hele vleis verskaffingsketting: Van die voerkraal, tot die vleis verpakkings aanleg, tot die handelaar. Dit bied hom ’n unieke vermoë om die plaaslike boerderybedryf te versterk en ’n betroubare uitvoerbedryf te skep wat bekend is vir sy topvleisprodukte.
Van Reenen meen dit is Beefmaster se vermoë om, danksy sy voortgesette belegging in vernuwing, pasgemaakte produkte vir eindgebruikers te lewer, wat die maatskappy van ander produsente onderskei.
“Danksy ons omvattende verskaffings ketting, waaroor ons volle beheer het, kan ons ons eie beeste, en beeste van ander goedgekeurde voerkrale, verwerk. Ons top-ontbeningsaanleg stel ons in staat om die produkte te verpak volgens die doelgemaakte vereistes van die groothandelen kleinhandel s vleisbedryf in Suid-Afrika, asook oorsee.
“Ons is daartoe verbind om saam met alle tipe beesboere in die vleis- en voerbedryf te werk. Ons wil sien dat meer boere die omvang en hoëgehalte kuddestandaarde bereik wat verlang word om voordeel uit uitvoermarkte te trek. Dit is slegs deur saam te werk dat ons dit sal kan bereik,” sê Van Reenen.