Volstruisbedryf veg om oorlewing ná EU-verbod
PRES. CYRIL RAMAPHOSA moet nou besluit oor die lot van die geskorste direkteur-generaal van die Departement van Landbou, Bosbou en Visserye.
Dit was mnr. Senzeni Zokwana, Minister van Landbou, Bosbou en Visserye, se standpunt op ’n mediakonferensie in Kempton Park oor die woelinge in sy depar departement tement sedert hy mnr. Mike Mlengana sowat ’n maand gelede van sy magte gestroop het.
Zokwana het ontken daar is ’n bestuursvakuum in sy departement sedert dié nuutste optrede teen Mlengana.
Hy sê die Hooggeregshof in Pretoria het dit vroeër duidelik gemaak dat die magte om ’n rekenpligtige amptenaar te skors of te dissiplineer by die President berus.
“Daarom word die kwessie nou deur die President gehanteer en ons kan nie verder daaroor kommentaar lewer tot dit afgehandel is nie.”
Sy stelling kom teen die agtergrond van ’n ondersoek deur die Valke ná korrupte praktyke in die departement wat reeds etlike weke aan die gang is. Dáároor het Zokwana egter by die konferensie geswyg.
VERSUUR
Zokwana sê dit is algemeen bekend dat die verhouding tussen hom en Mlengana oor ’n tydperk versuur het. Dit spruit volgens hom uit ’n opdrag aan Mlengana om amptenare aan te kla weens die onregmatige toekenning van ’n tender oor die verspreiding van perlemoen.
Zokwana sê Mlengana het geweier om teen die amptenare op te tree. Hy is toe geskors weens insubordinasie.
Mlengana het egter destyds aan Landbouweekblad gesê sy skorsing hou verband met sy weiering om kontrakte te bekragtig wat nie deur die behoorlike tenderprosesse is nie.
Skaars twee maande ná die Hooggeregshof Zokwana beveel het om Mlengana se skorsing op te hef het Zokwana hom van sy gedelegeerde magte ontneem.
“Ek skenk op die oomblik aandag aan die kwessie van senior bestuurders wat onlangs geskors is sonder dat ek as minister daarin geken is – veral die skorsing van me. Siphokazi Ndudane, adjunkdirekteur-generaal van visserye.
“Adjunk-direkteurs-generaal se aanstelling sis, anders asande r bestuur s aanstellings ,’ n kabinet s proses, en daarom moet die minister geken word as daar kwessies oor moontlike wangedrag ontstaan.”
Hy sê dit is in die lig daarvan dat hy Mlengana se gedelegeerde, uitvoerende magte herroep het.
GEEN KOMMENTAAR
Volgens Mlengana het hy Ndudane en ander amptenare in die voorkomend geskors sodat hy ’n ondersoek na ongerymdhede binne die departement visserye kon laat doen.
Landbouweekblad probeer reeds die afgelope twee weke tevergeefs om by die departement en die Presidensie klarigheid te kry oor die omstandighede rondom Ndudane se skorsing en heraanstelling. Ingeligtes beweer sy is wéér geskors nadat Zokwana haar skorsing tersyde gestel het.
G’N NADEEL
Zokwana sê sy en Mlengana se konflik benadeel nie die departement se werk nie.
“Ons het toegewyde en professionele personeel wat hard werk om mense se lewe te verbeter. Solank almal die departement se mandaat verstaan, behoort daar nie probleme te wees nie.”
Hy sê ’n taakspan ondersoek tans hoe om die departement se onderskeie afdelings meer vaartbelyn te struktureer. “Daar is byvoorbeeld nie afsonderlike eenhede vir voedselsekerheid binne die landbou, visserye en bosbou nodig nie. Een afdeling kan na ál drie vertakkinge omsien.”
Sowat 12% van die poste in die departement is op die oomblik vakant.
Landbouweekblad probeer reeds etlike weke lank sonder sukses kommentaar kry van die departement oor bewerings van korrupsie in sy visserye-afdeling.