WEDLOOP OM SKAARSSTE PROTEA TE RED

Die Swartland suikerbos (Protea

odorata) staan op die rand van uitsterwing, maar daar is pogings om dit te red. Die enigste daarvan in die veld is sewe plante op ’n private eiendom noord van Kaapstad. Die eienaar van die eiendom het ingestem om dit aan die Wêreldnatuurfonds (WWF) SA te verkoop, met die Stad Kaapstad as bestuurder van die perseel.

Die eerste stap in die restourasieplan vir die perseel was ’n ekologiese brand in April. Daarna het mnre. Mashudu Nndanduleni van Kirstenbosch Botaniese Tuin en Jacques van der Merwe van die Stad Kaapstad behandelde saad van verskillende bedreigde spesies, wat P. odorata insluit, op die gebrande deel gevestig. Altesame 18 plante van P. odorata is in moederblokke van die versameling vir skaars plante by Kirstenbosch, wat die meeste van die saad vir restourasie produseer.

Van al die verskillende kweekmediums waarin hulle die lewensvatbaarheid van die saad getoets het, het die meeste saailinge in die grond van die perseel waar dit gevestig sou word, ontkiem.

Hulle het 2 000 sade in die gebrande gebied gesaai en ingehark sodat die wind dit nie wegwaai nie. Steriele saad is met die groeimedium gemeng om lewensvatbare saad teen knaagdiere te beskerm.

Nadat die saad gesaai is, is 30 mm reën gemeet. Die eerste saailinge behoort in die lente op te kom.