RAAK AMAZONFRESH VROT?
Hoewel AmazonFresh, wat vars produkte op ’n voorafbepaalde tyd by verbruikers in sowat 20 stede aflewer, ’n voorloper was op sy gebied, is daar die laaste tyd vrae oor die werklike sukses van die diens.
AmazonFresh het sowat 11 jaar gelede in Seattle ontstaan, en vyf jaar lank net daar sake gedoen voor dit na ander stede uitgebrei is. Klante betaal ’n maandelikse tarief om inkopies op die platform te doen.
Volgens Business Insider is daar ál meer klagtes oor verkeerde bestellings,
laat of gekanselleerde aflewerings en items wat verlore raak. Veral aan die begin van vanjaar was daar talle klagtes oor ’n daling in gehalte en betroubaarheid by die verskaffer. Nog iets wat klante vies maak, is dat die webwerf hulle nie altyd laat weet as ’n item wat hulle bestel, uit voorraad is nie.
Intussen was daar ook heelwat veranderinge by AmazonFresh. Whole Foods-items (Amazon het Whole Foods bekom) is nou deel van die platform, aflewerings is gestaak in sekere woonbuurte en stede, en AmazonFresh en Prime Now se spanne werk nou saam.
Amazon het ook onlangs laat blyk daar sal mettertyd meer samewerking tussen Whole Foods, AmazonFresh en Amazon Prime Now (’n een uur-aflewering sdiens) wees, berig die nuuswebwerf