Dis nou maar wors
Met wors is dit maklik om sakpas-etes op die tafel te sit. Deesdae is ons bederf met ’n groot verskeidenheid om van te kies.
en met sout besprinkel 4 murgpampoentjies, in blokkies gesny 1 rooi en 1 geel soetrissie, ontpit en in blokkies gesny 1ui,gekap 3 knoffelhuisies, gekap 1 blik (410 g) gekapte tamaties Halwe tamatieblik vol water Sout, peper en ’n knippie suiker na smaak Gekapte, vars pietersielie, om af te rond
Verhit die olie en botter in ’n diep swaarboompan. Druk die worsvleis uit die worsderms en braai die vleis in die olie tot gaar. Breek die stukkies worsvleis met ’n houtlepel op terwyl dit gebraai word. Spoel die eiervrug onder koue water af en druk goed droog. Voeg dit saam met die murgpampoentjieblokkies, soetrissieblokkies, ui en knoffel by die worsvleis. Braai vir ongeveer 10 minute tot gaar. Voeg die ta- maties, geurmiddels na smaak en pietersielie by. Prut liggies vir nog 7 minute. Sit voor op rys of koeskoes. Lewer 4-5 porsies.
Rokerige worsen-bonekasserol
Die Franse maak ’n smullekker bredie van ’n verskeidenheid vleis, gerookte varkwors en witbone wat ure lank stadig gaargemaak word tot ’n perfekte geheel. Hulle noem dit cassoulet. Hierdie kasserol se geure herinner my aan dié gereg, maar dit word met basiese bestanddele gemaak en is binne net 30 minute gaar.
15 ml olyfolie 8 groot varkworsies 6 repe spek, dun gesny 1 ui, dun gesny 2 preie, goed gewas en dun gesny 2 knoffelhuisies, gekap 3-4 murgpampoentjies, gesnipper 125 ml witwyn 1 blik (410 g) gekapte tamaties 250 ml hoenderaftreksel Paar takkies vars tiemie Paar takkies vars pietersielie, gekap 1 blik (420 g) botterbone, gedreineer 1 blik (420 g) suikerbone, gedreineer
Voorverhit die oond tot 180 °C. Verhit die olie in ’n oondvaste swaarboompot en braai die worsies en spek daarin tot gaar. Voeg die ui, preie en knoffel by en braai tot sag. Voeg die murgpampoentjies by en braai tot gaar. Voeg die wyn, tamaties, aftreksel, tiemie, pietersielie en bone by en verhit tot kookpunt. Prut vir 3-5 minute en sit die bak in die oond. Bak vir ongeveer 20-30 minute tot die sous geurig en verdik is. Sit voor met koeskoes, rys of kapokaartappels en slaai. Lewer 4 porsies.