NICK SERFONTEIN: ‘MENSE SKREE OM HULP’
Mnr. Nick Serfontein, voorsitter van die Sernick-groep, sê hy is oorweldig deur die reaksie op sy ope brief aan pres. Cyril Ramaphosa. “Ek kry trane in my oë as ek van die boodskappe lees van mense wat op my brief gereageer het.”
Hy sê die reaksie wat hy op die brief ontvang het, is 99,9% gunstig. “Ek het die e-posse wat ek gekry het, uitgedruk. Dié stapel is byna 50 cm dik. Die mense skree om hulp.” (Van die kommentare hieronder is vertaal. — Red.)
RYAN NEWBORN skryf: Goed gestel, Nick. Ek dink dis tyd dat ’n formele ondersteuning strategie vir grondhervorming deur die kommersiële landbou opgestel en uitgevoer word. Dis noodsaaklik dat ondersteuning kanale gekoördineer en op ekonomies lewensvatbare eenhede gerig word. Landbou finansiering s agentskappe moet ook gedwing word om met werkbare
NICK SERFONTEIN antwoord: Dankie, Ryan. Daar is agter die skerms inderdaad inisiatiewe wat gerig is op presies wat jy sê.
RYAN NEWBORN antwoord: Wonderlik. Kom ons hoop dat dit wat agter die skerm gebeur, sal lei tot alternatiewe wat baie blootstelling kry. Die welwillendheid van die kommersiële landbou moenie agter die skerms bly nie.
BRIAN LOXTON skryf: Ai Nick, ek hoop net pres. Ramaphosa lees jou brief met die nodige aandag wat dit verdien.
NICK SERFONTEIN skryf: Hy het, Brian, en hy het gereageer.
CHARLES GREYLING skryf: Baie dankie, Nick. Jy moet asb. voortbou op dit waarmee jy begin het. Ek bid vir jou.