LISTERIOSE-KRI­SIS BRING KENTERING IN VARKBEDRYF

Landbouweekblad - - Nuus - — CHARL VAN ROOYEN

DIE varkbedryf het te mid­de van die ramp­spoe­di­ge uit­bre­king van listeriose vroe­ër van­jaar mil­joe­ne aan pro­mo­sie be­stee en sy kor­po­ra­tie­we i­den­ti­teit en kul­tuur ver­nu­we om hom be­ter vir die toe­koms te po­si­si­o­neer.

Me. Ma­rie­ta Hu­man, be­mar­kings­be­stuur­der by die Suid-Afrikaanse Vark­pro­du­sen­te-Or­ga­ni­sa­sie (Sa­vpo), sê die or­ga­ni­sa­sie het ty­dens die in­sin­king van die vark­prys ná die aan­kon­di­ging op 4 Maart dat die do­de­li­ke ST6 listeriose-stam tot by En­ter­pri­se se aan­leg na­ge­speur is, al­les moont­lik ge­doen om die ver­bruik van vark­vleis te be­vor­der.

In die pro­ses het die or­ga­ni­sa­sie tus­sen Maart en Mei R6 mil­joen aan pro­mo­sies be­stee in ’n veld­tog wat on­der meer ge­mik was op die skep van gro­ter mark­aan­de­le op lang ter­myn.

Die or­ga­ni­sa­sie wil hom nou ook as ’n di­na­mie­se sa­ke-een­heid po­si­si­o­neer pleks van bloot ’n kom­mo­di­teits­or­ga­ni­sa­sie.

BE­TER VOORUITSIGTE

Mnr. Ja­mes Jen­kin­son, uit­tre­den­de voor­sit­ter van Sa­vpo, sê die listeriose-aan­kon­di­ging het boe­re se si­tu­a­sie oor­nag ver­an­der en die erg­ste uit­wer­king in die ge­skie­de­nis op al­mal in die waar­de­ket­ting ge­had. Die prys van vark­vleis het ge­tui­mel, al was dit vei­lig vir ver­bruik.

“Ek het ge­leer vark­boe­re toon ’n uit­son­der­li­ke ka­rak­ter en sa­ke­sin. Hul­le sit nie en kla ie­wers in ’n hoe­kie nie. Hul­le het die bul by die ho­rings ge­pak en die kri­sis tromp­op ge­loop,” het Jen­kin­son op die on­lang­se Sa­vpo-jaar­ver­liks ga­de­ring op Win­ter­ton ge­sê.

“Dis be­lang­rik dat ons een tree voor bly en na die gro­ter be­dryf­s­prent­jie kyk. Ek is op­ge­won­de oor die toe­koms,” het hy oor die her­po­si­si­o­ne­ring van die or­ga­ni­sa­sie ge­sê. Voorts het hy ge­sê se­dert die aan­kon­di­ging deur dr. Aa­ron Mot­so­a­le­di, Mi­nis­ter van Ge­sond­heid, dat die listeriose-uit­bre­king amp­te­lik ver­by is, lyk vooruitsigte vir die be­dryf aan­sien­lik be­ter.

Hy het ge­sê vark­vleis is veel­sy­dig, be­kos­tig­baar, as­ook na­speur­baar en vark­boe­re kan ’n groot rol speel om voed­sel­se­ker­heid in die toe­koms te ves­tig.

Newspapers in Afrikaans

Newspapers from South Africa

© PressReader. All rights reserved.