BESPROEI MAKLIK MET SONKRAG
Sonkragaangedrewe besproeiingstelsels is nou ’n werklikheid. Die Grundfos RSI is ’n omskakelaar met spoedbeheer wat sonkrag vir pomptoepassing na 400 V wisselstroom omskakel.
Verskeie pompe, onder meer boorgat en sentrifugale pompe, kan in ’n sonkragstelsel gebruik word.
Na gelang van individuele behoeftes word oplossings vir direkte besproeiingstelsels en waternetwerke na damme ontwerp. Die stelsels kan met netwerkkrag en kragopwekkers ondersteun word.
Direkte besproeiingstelsels moet egter met die oog op ’n siklus van sewe tot nege uur ontwerp word omdat die stelsel dadelik die nodige druk moet hê.
’n Sonkragstelsel bestaan hoofsaaklik uit die pomp en motor, sonpanele en die RSIomsetter. Elf modelle is beskikbaar (2,2 kW tot 37 kW).
Akkurate weerstasieinlig ting, met meer as 50 jaar se klimaatdata, is deel van die ontwerpsagteware. Stelselontwerpe word volgens ’n terugbetalingstermyn geëvalueer sodat die boer presies weet hoeveel energiekoste hy sal bespaar. PRYS: Vanaf R15 697,50.
NAVRAE: Mnre. Etienne Zandberg in die Noord-Kaap, tel. 053 832 3681; Luke Christiaans in Gauteng, tel. 011 392 2181; Gerhard Botha in die Suid-Kaap, tel. 044 8780349; en Gerrit Cronselaar in die Wes-Kaap, tel. 021 949 6862.