Leer hiér van reproduksie en tegnologie
Al hoe meer veeboere gebruik moderne reproduksietegnieke en -tegnologie, want hulle besef toenemend hulle moet meer waarde toevoeg en ’n groter nageslag teel.
Tegnologie is ’n sentrale tema op die program van die tiende Aldam-veeskool en met goeie rede, sê dr. Michael Bradfield, ’n direkteur van Breedplan Suider-Afrika.
“Suider-Afrika het ’n beraamde gemiddelde kalfpersentasie van sowat 65 en dit is heeltemal te laag. Ons pas ook nie telingstegnieke, soos kunsmatige inseminasie of embrio-oorplantings, naastenby soveel toe in vleisbeeskuddes as ons internasionale eweknieë nie. Hopelik sal dit ook ná vanjaar se skool verander,” sê Bradfield
Die Aldam-veeskool dra al die afgelope tien jaar by tot kennis in die bedryf en talle sprekers en deelnemers het al buite die landsgrense ervaring opgedoen oor tegnologie in die bedryf.
“Met gedeeltelike finansiering is rasverteenwoordigers en wetenskaplikes in 2015 op ’n toer na Australië geneem waar die teelbenadering in verskeie rasse omwentel het.
‘‘Verteenwoordigers is na internasionale konferensies gestuur om kennis in te win. Daaruit het die Vleisbeesgenomikaprojek ontstaan, wat ’n enorme bydrae gelewer het en nóg sal lewer om die vleisbeesbedryf na ’nhoërvlakteneem.
‘‘Genotipering sal ook ’n groot impak hê op die vleisbeesbedryf (en elke deelnemende ras),” sê mnr. Mecki Schneider, ’n beesteler van Namibië en vorige spreker op die Aldam-veeskool.
Reproduksie, nuwe reproduksietegnologie (embrio’s, selverdeling en geslagsbepaling van semen) en die produksiefasette wat met reproduksie gepaardgaan, gaan deeglik op die Veeskool bespreek word.
Bradfield sê drie van Suid-Afrika se voorste kenners op hierdie gebied is genooi om boere te onderrig sodat hulle meer waarde tothulboerderyekantoevoeg.
Die sprekers is dr. Fanie Steyn, besturende direkteur van embriospoelings en laparoskopieprogramme by Ramsem buite Bloemfontein, dr. Morné de la Rey, mededirekteur van Embryo Plus op Brits, en dr. Neil van Zyl, direkteur van In Vitro Africa op Parys. Hier is enkele hoogtepunte uit die program.
17 OKTOBER
10:45 Toegepaste reproduktiewe strategieë by vleisbeeste. Aangebied deur prof. Cliff Lamb van die departement landboulewenswetenskap, Texas A&M-universiteit, Amerika. 11:20 Ontwikkelings in interna-
sionale genetiese evaluerings. Aangebied deur dr. Brad Crook, bestuurder van genetikanavorsing en ontwikkeling by ABRI, Australië.
11:45 Die bou van ’n vrugbare kudde. Aangebied deur prof. Michael McGowan van die Universiteit van Queensland, Australië.
12:25 Reproduksietegnologie vir Suid-Afrikaanse grootvee: Die status quo. Aangebied deur dr. Morné de la Rey.
Namiddagprogram: Semen-en-embrio-ekspo
Sessie 1: Prof. Cliff Lamb – Die gebruik van reproduktiewe bestuur en tegnologie om produksiedoeltreffendheid by vleisbeesondernemings te verbeter. Aangebied deur Embryo Plus.
Sessie 2: Prof. Michael McGowan – Ekonomiese opbrengs deur die gebruik van vastetydkunsmatige inseminasie as deel van genetiese verbetering. Aangebied deur Invitro Africa.
Sessie 3: Dr. Reuben Mapletoft – Ovumversameling (OPU) en in vitro-bevrugting (IVB) by kalwers. Aangebied deur Ramsem.
18 OKTOBER
08:45 Hoe kan die Suid-Afrikaanse veebedryf voordeel trek uit verbeterde reproduksietegnologie? Aangebied deur prof. Edward Webb, adjunkdekaan van navorsing en nagraadse studie aan die Universiteit van Pretoria se fakulteit natuur- en landbouwetenskappe.
09:20 Toegepaste reproduktiewe strategieë by vee: ’n Kanadese perspektief. Aangebied deur dr. Reuben Mapletoft, Universiteit van Saskatchewan.
Namiddagprogram: Kies enige slypskool of woon die langer genomika-slypskool by wat aangebied word deur dr. Munro Marx, besturende direkteur van Unistel Medical Laboratories, en dr. Brad Crook, bestuurder van genetikanavorsing en ontwikkeling by ABRI.
19 OKTOBER
08:10 Vrugbaarheidsontwikkeling by jong diere, vanaf geboorte tot 12 maande. Aangebied deur prof. Dietmar Holm, adjunkdekaan van die fakulteit veeartsenykunde aan die Universiteit van Pretoria. 08:40 Alternatiewe maatstawwe vir vrugbaarheid. Aangebied deur prof. Cliff Lamb. 09:30 Voortplantingtegnologie by Suid-Afrikaanse kleinvee: Die status quo. Aangebied deur dr. Fanie Steyn. 10:00 Geskikte koeie vir embriospoeling: Die groot rol van etiek. Aangebied deur dr. Neil van Zyl. 10:30 Superovulasie by beeste. Aangebied deur prof. Michael McGowan.