RAS BEHAAL HOË PRYSE
Simmentalers, een van die wêreld se grootste dubbeldoelbeesrasse, het vanjaar weer goeie pryse op veilings in Suid-Afrika behaal.
Die hoogste prys van R400 000 is vir ’n bul betaal. Die gemiddelde prys vir bulle was R47 549. Die hoogste pryse van R85 000, R100 000 en R240 000 is onderskeidelik vir ’n Simmentalerkoei, ’n dragtige koei en ’n koei met ’n kalf betaal. Die gemiddelde prys vir Simmentalerkoeie was tot dusver R29 446.
Suid-Afrika, Namibië, Botswana en Zimbabwe het 224 Simmentalertelers met 28 636 Simmentalerbeeste. Altesame 181 telers is in Suid-Afrika, meestal in Noordwes, waar meer as ’n derde van die telers boer.
Me. Erna de Swardt, finansiële bestuurder van die Simmentaleren Simbrabeestelersvereniging van Suider-Afrika, sê die ras is wyd aangepas, maar die meeste telers in SuidAfrika boer ekstensief met Simmentalers. “Hulle gee deur die jaar byvoeding as proteïen- en energie-aanvulling. Simmentalers vaar uitstekend in voerkrale en Simmentaler- en Simmentalerkruiskalwers kan premies behaal.”
Sy sê Simmentalers vaar ook goed in droë gebiede, soos Namibië, Botswana en die NoordKaap. Eweneens word daar in die hoëreënvalgebiede van KwaZuluNatal suksesvol met dié ras geboer.
De Swardt sê min boere melk nog Simmentalers.