CLOVER-TRANSAKSIE KAN MELKBOERE HELP
DIE verkoop van Clover aan die Milco-konsortium sal geen bestaande ooreenkomste tussen Clover en sy melkverskaffer, Dairy Farmers of South Africa (DFSA), verander nie.
Die kapitaalinspuiting in die maatskappy en die voorneme van die nuwe eienaars om die maatskappy buite die landsgrense te ontwikkel, kan selfs voordelig vir die Suid-Afrikaanse suiwelbedryf wees, meen kenners.
Aandeelhouers van Clover Industries, Suid-Afrika se grootste suiwelmaatskappy, het verlede Maandag ’n aanbod van R25 per aandeel van die konsortium, bestaande uit internasionale en plaaslike beleggers, gekry. Dis tot 77% meer as die aandeelwaarde op 18 Oktober, die dag voor Clover vir die eerste keer gewaarsku het oor die voorgenome transaksie.
Die algehele waarde van die aanbod is sowat R4,8 miljard.
“Ons koop ál die uitgereikte aandele, ook dié wat deur DFSA gehou word. Ons sal voortgaan om die bestaande kontrakte met DFSA te eerbiedig, ” sê mnr. Richard Izsak, bedryfshoof van die Israelse maatskappy Cen(CBC), tral Bottling Company wat die voortou in die konsorwaarnemenLichbeaam tium neem.
KUNDIGHEID
Mnr. Johan Strydom, de voorsitter van DFSA en tenburgse melkboer, dat sake soos altyd voortgaan. “Die kontraktuele ooreenkoms tussen DFSA en Clover sal geld tot die twee partye sinvol kan besluit oor die moontlike herstrukturering van DFSA, indien nodig.”
Hy sê dis voortydig om nou al te bespiegel oor die impak van die oorname. “Dit is verblydend dat die konsortium wat die aanbod gemaak het, in die suiwelbedryf betrokke is en graag daar wil bly.”
Die Milco-konsortium het heelwat internasionale kundigheid in die koeldrank- en suiwelsektor byeengebring. Dit bestaan onder meer uit International Beer Breweries (’n filiaal van die CBC-groep), Incubev (’n internasionale voedsel- en koeldrankmaatskappy) en Clover se huidige uitvoerende bestuur. Die Suid-Afrikaanse swart beheerde beleggingsmaatskappy Brimstone sal ’n belang van 15% hou, en die private ekwiteitsfirma Ploughshare kry 11%.
CBC, wat uiteindelik 60% van Clover sal besit, is Israel se voorste koeldrankvervaardiger en -verspreider. Hy is ook die eienaar van Tara Dairy, dié land se naasgrootste melkverwerker.
Volgens mnr. Aran Oelsner, uitvoerende hoof van CBC, wil dié onderneming ’n langtermynverhouding met plaaslike suiwelboesmee. re “Ons koop maatskappye met die doel om minstens 25 jaar lank sake te doen. Soos ek boere ken, is dit juis waarna hulle soek: Iemand wat bereid is om ’n pad met hulle te stap. ’n Boer belê groot bedrae in sy eie boerdery, en hy mo et weet dat die maatskappye waarmee hy kontrakte sluit, ’n lang tyd daar gaan wees. Ons verstaan dit en sal boere gee wat hulle nodig het.”
Die transaksie, wat nog aan goedkeuring deur reguleringsowerhede onderhewig is, word deur Clover se grootste aandeelhouers ondersteun.
Die maatskappy wil graag ná die oorname sy vlerke wyer as Suid-Afrika sprei. Hy kyk ook na die res van Afrika suid van die Sahara.
Dít hou groot belofte vir die Suid-Afrikaanse suiwelbedryf in wanneer Afrika eindelik sy grense vir vrye handel kan oopstel, sê mnr. Nick Kunze van Sanlam Private Wealth, ’n onderneming wat beleggingsfondse bestuur.
“Dis ’n baie goeie transaksie met ’n stewige stel beleggers wat Clover in ’n goeie posisie sal plaas om voordeel uit ekonomiese groei in die res van Afrika te trek.”
‘Ons sal boere gee wat hulle nodig het.’