Watter probleme keil boere in jou omgewing op?

Die politiek het ’n ongunstige invloed op ons produsente. Die landbou is een van die min bedrywe wat behuising, elektrisiteit, water en sosiaal-ekonomiese ondersteuning aan sy werkers bied, maar ten spyte daarvan is daar ’n aanslag op die bedryf. Die lae ekonomiese groeikoers plaas ook verbruikers onder druk, wat hulle nie met ’n ander keuse laat as om goedkoop te koop nie. Dit plaas druk op ons winsmarges, terwyl die kosteknyptang se effek hoog is. Eskom gee ook vir ons nagmerries – ons sit met miljarde rande se produkte, maar as die krag afgaan, antwoord Eskom se mense ure lank nie hul fone by die oproepsentrum nie.