Vir watter mark produseer die Sandveld?
Sowat 80% van ons aartappels word aan die varsmark gelewer, met 20% wat na die verwerkingsbedryf (vir beide droë en nat skyfies) gaan. Die Sandveld se kusstrook, wat heelwat koeler is as die binneland, lewer tydens die warm somermaande goeie aartappels met ’n baie goeie houvermoë. Dit word as voorafverpakte produkte na markte reg oor die land gestuur.