KORTOM

Boere is onder erge druk weens die droogte, want hul geldelike reserwes is uitgeput, veekuddes is uitgedun en in die somersaaigebied word ’n kleiner oes verwag. Die uitbreking van bek-en-klouseer, wat vleispryse laat daal het, en skerp styging in die geelmielieprys (die basis van veevoer) dra by tot die benarde situasie. Die Regering se voorgenome beleid van grondonteiening sonder vergoeding ondermyn vertroue in die landboubedryf en laat die pryse vir plase daal.