Gee hardnekkige bosluise só behoorlike opstopper

Opgietmiddels wat help met die bestryding van uitwendige parasiete, soos bosluise, is ’n waardevolle hulpmiddel in ’n geïntegreerde bosluisbekampingsprogram. Deur veevrektes en produksieverliese te voorkom en beperk, gee dit die veeprodusent ’n veel beter kans op ’n volhoubare boerdery met gesonder diere.

Bayer het in die afgelope eeu en ’n half buitengewoon baie navorsing en vernuwing ingespan om produsente te help om doeltreffender en winsgewender te boer.

Ook op eie bodem het die ontwikkeling en bekendstelling van veeartsenykundige produkte, soos sy Drastic Deadline®-opgietmiddelreeks, ’n bydrae tot die bestuur en bekamping van skadelike parasiete gelewer.

Bloubosluise wat ekonomies belangrike siektes versprei, is een van dié parasiete in Bayer se visier. Dit is veral bloubosluise wat ’n weerstand teen sekere aktiewe bestanddele toon, wat voor middels soos Drastic Deadline® Extreme (reg.nr. G3840, Wet 36 van 1947) swig.

Suid-Afrika was die eerste land waar dié middel sowat nege jaar gelede bekend gestel is. Dit is saamgestel uit ’n unieke kombinasie van ’n insekgroeireguleerder (fluasuron 2,5% m/v) en ’n piretroïed (flumetrien 1% m/v). Die middel is geregistreer vir gebruik by beeste.

Die groeireguleerder het ’n sistemiese werking met ’n lang nawerking en is veral op die bekamping van enkelgasheerbosluise, soos die bloubosluis, gerig. Die dubbele werking bespaar dus die tyd en moeite wat twee behandelings sou meebring.

Bloubosluise is verantwoordelik vir van die siektes wat die meeste veeverliese veroorsaak, naamlik Afrika- en Asiatiese rooiwater en galsiekte. Dit bestry ook multigasheerbosluise, rooiluise en tsetsevlieë by beeste.

Drastic Deadline® Extreme het ’n langer nawerking teen enkelgasheerbosluise as sy voorganger, wat bykomende roetineaanwendings teen multigasheerbosluise met slegs ’n piretroïed moontlik maak.

Dit maak die bestuur van weerstand by bosluise teen chemiese middels makliker en is geskik vir die bekamping van bosluise op plase waar die parasiete reeds weerstand teen die ander bekende aktiewe bestanddele soos amidien, piretroïede en organofosfate ontwikkel het.

NOG MIDDELS

Drastic Deadline® Extreme se voorganger en ouboet is die veelsydige staatmaker Drastic Deadline® (reg.nr. G0723).

Hiermee bied Bayer genoeg opsies om die getal bloubosluiseiers te verminder en die ontwikkeling van een lewenstadium na ’n volgende op diere te vertraag.

Drastic Deadline®-opgietmiddel is geregistreer om bosluise by beeste, skape, volstruise en sekere wildspesies te bekamp deur wyfies te steriliseer. Dit help ook om tsetsevlieë en rooiluise by beeste en veermyte by volstruise te bekamp.

Die aktiewe bestanddeel is flumetrien (1% m/v). Dit kan afwisselend met Drastic Deadline® Extreme by beeste gebruik word.

Drastic Deadline® Extreme kan aan die begin van die lente (September en Oktober), in die somer (Desember en Januarie) en weer in die herfs toegedien word, na gelang van van die bosluislading en spesifieke probleme wat met bloubosluise ervaar word. Die aanbevole dosis is 1 ml per 10 kg liggaamsgewig, wat langs die toplyn opgegiet word. Raadpleeg die produkaanwysings vir nog inligting oor dosisse en veilige gebruik.