ROBOTHULP
Meer as 1 300 Oos-Kaapse boere gaan danksy ’n vennootskap tussen Die Kooperasie op Humansdorp en die tegnologiemaatskappy Aerobotics toegang kry tot splinternuwe tegnologie. Volgens mnr. James Paterson, uitvoerende hoof van Aerobotics, sal boere hulp kry met onder meer vroeë siekte- en plaag-identifikasie en verhoogde opbrengs, danksy die datalesings wat hommeltuie en programmatuur kan verwerk om aan die produsente beter en akkurater inligting te verskaf. Aerobotics sal boomanalise-tegnologie beskikbaar stel aan lede, wat hul rekening by Die Kooperasie kan gebruik om vir Aerobotics se dienste te betaal. Dit beteken betaling kan eers ná die oes gemaak word. Lees meer by bit.ly/2TCrEUn.