LEEF IN VREES

“Boere en plaaswerkers voel geisoleerd en leef daagliks in vrees,” was die reaksie van mnr. Tommie Esterhuyse, voorsitter van Agri SA se landelike veiligheidskomitee, oor die moord op me. Gezina Bruwer op ’n plaas in die Molopo verlede naweek. Die verdagtes het oor die grens na Botswana gevlug en was teen druktyd nog op vrye voete. Esterhuyse sê landelike gemeenskappe is maklike teikens vir misdadigers, en groter paraatheid tuis en betrokkenheid by plaaslike gemeenskapsveiligheidstrukture is nodig.