HELP MET KOEPONS

Die nasionale organisasie vir opkomende rooivleisprodusente (Nerpo) pleit by die Regering om droogtehulp eerder deur middel van ’n koeponstelsel te verskaf, sodat boere kan aankoop wat die noodsaaklikste vir elke plaas is. Sonder ’n koeponstelsel gaan droogtehulp weer ’n kwessie vir die Zondo-kommissie of die Openbare Beskermer word, sê hy. Nerpo doen ook ’n beroep op staatsamptenare om nie staatsgeld ten koste van boere in hul eie sak te steek nie. “In vorige jare was daar bewerings dat ramphulp in die hande van staatsamptenare en diensverskaffers beland het voordat dit boere kon help.”