WILDBOERE SUKKEL

Die uitbreking van bek-en-klouseer in die noorde van Suid-Afrika is ’n dilemma vir wildboere wat diere moet verskuif, sê me. Adri Kitshoff-Botha, hoofbestuurder van Wildbedryf SA. Sy sê hoewel die wildbedryf nie diere van Februarie tot Augustus verskuif nie, kan wildboere wat byvoorbeeld diere in Namibië en Suid-Afrika aanhou, nie hul wild tussen die twee lande verskuif voordat die verbod op die vervoer van lewende diere opgehef word nie. Dr. Pieter Vervoort, voorsitter van die nasionale dieregesondheidsforum, sê die uitbreking kom juis op ’n tyd dat wildsvleis-uitvoer besig is om te ontwikkel, maar hy meen die krisis gee alle belanghebbendes in die rooivleisbedryf ’n geleentheid om saam te werk.