is sinoniem met uitnemende vark genetika
Topigs Norsvin Suid-Afrika (TNSA) is bekend vir hul innoverende benadering tot die implementering van nuwe tegnologie en ‘n deurlopende fokus op koste-effektiewe varkproduksie. Navorsing, innovasie en verspreiding van genetiese verbetering vorm die hoekstene waarop die maatskappy hul geneties model bou.
Met die oog op volhoubaarheid plaas Topigs Norsvin ’n hoë premie op die bewerkstelliging van ‘n gebalanseerde telingsbeleid vir genetiese vordering. Hierdie gevorderde en gesofistikeerde benadering tot teling lei tot ‘n vark wat top produksie op ‘n gesonde en doeltreffende wyse onder ‘n wye verskeidenheid plaasomstandighede kan lewer.
Verder word genetiese vordering gedryf deur ‘n intensiewe navorsings- en ontwikkelingsprogram. Navorsing word onderverdeel in vyf platforms wat alle punte binne die varksektor, van konsepsie tot verbruik, verteenwoordig. Dié platforms sluit reproduksie van bere en soggies, robuustheid en dierewelsyn, voer en voerverbruik doeltreffendheid sowel as vleis- en karkaskwaliteit in, wat almal deur die genetika en genomika platform ondersteun word.
Innoverende teeltegnologie wat voortspruit uit deurlopende navorsing sluit die gebruik van CT-tegnologie by die Delta-stasies in Noorweë en Kanada in. Skanderingsfoto’s van tienduisend bere word jaarliks gebruik om karkas samestelling, robuustheid en vleiskwaliteit te verbeter.
750 voerstasies wat daagliks individuele voerinnames en gewigte meet word gebruik om meer as 30 000 varke se data wêreldwyd, per jaar te registreer. Dit dra by om vinniger verbeteringe in voerverbruik doeltreffend te verwesenlik.
Onlangse navorsing op die mikrobioom van die vark se ingewande het bevind dat tot 30% van die variasie in voerverbruik doeltreffendheid tussen varke, verduidelik kan word deur verskille in hul mikrobioom. Die kennis van mikrobiota dra by tot vinniger genetiese vooruitgang vir gesonder en meer doeltreffende varke.
Deurlopende navorsing en die implementering daarvan is gerig op produk verbetering wat kliënte in staat stel om beduidende toegevoegde waarde in hul produksie te behaal.
TNSA se doel is om ook vir die plaaslike mark voortdurende genetiese vordering te verseker. ‘n Plaaslike teelkudde van 4000 sôe word vir dié doel gebruik. Alle data word met die internasionale databasis uitgeruil om sodoende seleksie indekse vir plaaslike diere te verkry.
Alhoewel gereelde bevrore semen invoere die genetiese vordering ‘n goeie hupstoot gee, word ‘n plaaslike teelprogram ook gehandhaaf om verdere genetiese vordering vir die teel kudde en gevolglik kommersiële mark te verseker.
Die plaaslike teelprogram is gebasseer op parallelle data insameling van suiwer en kommersiële diere. Data word gekombineer om sodoende die beste suiwer-lyn kandidate vir top kommersiële produksie te selekteer.
Plaaslike data insameling sluit in reproduksie data van die teelkudde asook 3 800 kommersiële sôe. Geboortegewigte vir meer as 57 000 varkies word jaarliks geregistreer vir verbetering in lewenskragtigheid van varkies en moeder eienskappe. Prestasietoetsing op suiwer-lyn seleksie kandidate en kommersiële slag diere word ook gedoen. ‘n Ultraklank skandeerder word as deel hiervan gebruik om die dikte van die rug vet en die grootte van die lendespier op lewende diere te bepaal. Verder word DNS monsters vir alle nukleus bere geneem vir genotipering. Hierdie data maak deel uit van die seleksie indekse.
TNSA se teelproqram word deurlopend deur ‘n span internasionale genetikuste gemonitor om te verseker dat die plaaslike programme op ‘n hoë standaard bly. Die plaaslike teelkudde word konstant onder die top drie nukleuse in die wêreld geklas.
TNSA streef daarna om deur innovering wêreldklas genetika aan kliënte te lewer en soedoende hul kompeterende voordeel te verseker. TNSA glo dat die teling van hoë gesondheid vervangingsoggies die verantwoordelikheid van die teelmaatskappy moet bly sodat die boer kan fokus op die kommersiële aspekte van varkboerdery.
Skakel gerus die tegniese en kliënte ondersteuningspan vir meer inligting by 079 515 6273 of stuur ‘n epos aan info@topigssa.co.za