DORDRECHT / MERINO R90 000
Vyf ramme is op die jaarlikse produksieveiling van mnre. Peter en David Cloete se Merinostoetery Pine Grove naby Dordrecht teen R40 000 stuk en méér verkoop. Die duurste ram is teen ’n puik prys van R90 000 aan die Wiehahngesin van Dordrecht verkoop. By die ram is, van links, mnre. David Cloete, Brandon Leer, afslaer, me. Beth, mnr. Grant en me. Abby Wiehahn, mnre. Peter Cloete, Gary Trethewey van BKB en Wete Charlie, hanteerder. Ramme het gemiddeld R13 615 behaal (teenoor R18 642 verlede jaar) en ooie gemiddeld R1 571 (teenoor R2 053 verlede jaar). BKB het die veiling aangebied.